سپورت • 25 قىركۇيەك، 2021

12 جاسار شاحماتشى حالىقارالىق ءتۋرنيردىڭ جەڭىمپازى اتاندى

76 رەت كورسەتىلدى

اتىراۋ قالاسىنىڭ 12 جاسار تۋماسى شاحماتتان حالىقارالىق ءتۋرنيردىڭ جەڭىمپازى اتاندى، دەپ حابارلايدى Egemen.kz.

وبلىستىق سپورت جانە دەنە شىنىقتىرۋ باسقارماسىنىڭ ءباسپاسوز قىزمەتى ءمالىم ەتكەندەي، 12-21 قىركۇيەك ارالىعىندا رەسەيدىڭ چەليابينسك قالاسىندا حالىقارالىق گروسسمەيستەر ۆ.پانچەنكونى ەسكە الۋعا ارنالعان حالىقارالىق شاحمات ءتۋرنيرى ءوتتى.

«تۋرنيرگە قاتىسقان 57 شاحماتشىنىڭ اراسىندا 6 گروسسمەيستەر، 30 حالىقارالىق دارەجەلى شەبەرلەر بار. ال، ايەلدەر اراسىنداعى رەسەي كۋبوگىنىڭ كەزەكتى كەزەڭى بولىپ ەسەپتەلەتىن تۋرنيردە اتىراۋلىق شاحماتشى زارينا نۇرعاليەۆا 13 جاسقا دەيىنگى قىزدار باسەكەسىندە جەڭىمپاز اتاندى. وسى جەڭىسىنەن كەيىن قازاقستاندىق جاس شاحماتشى فيدە رەيتينگىندە 140-ساتىعا كوتەرىپ، 1950 ۇپايعا قول جەتكىزدى. ول ەندى سانكت-پەتەربۋرگ پەن تاشكەنت قالاسىندا شاحماتتان وتەتىن حالىقارالىق فەستيۆالگە قاتىسىپ، رەيتينگتىك ۇپايىن 2100-گە جەتكىزۋدى كوزدەپ وتىر. بۇل – فيدە شەبەرى ءنورماتيۆىنىڭ دەڭگەيى»، دەپ جازادى باسقارمانىڭ ءباسپاسوز قىزمەتى.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار