ۇكىمەت • 25 قىركۇيەك، 2021

سەناتتا كەدەندىك اكىمشىلەندىرۋ ماسەلەلەرى تالقىلاندى

25 رەت كورسەتىلدى

سەناتتىڭ قارجى جانە بيۋدجەت كوميتەتىنىڭ دەپۋتاتتارى الماتى وبلىسىندا كوشپەلى وتىرىس وتكىزىپ، اقپاراتتىق جۇيە ارقىلى مەملەكەتتىك قىزمەتتەر كورسەتۋگە، كەدەن ءىسى سالاسىنداعى ەلەكتروندىق سۇيەمەلدەۋگە جانە ونى اكىمشىلەندىرۋدى جەتىلدىرۋگە قاتىستى ماسەلەلەردى تالقىلادى، دەپ حابارلايدى Egemen.kz.

سەنات كوميتەتىنىڭ توراعاسى ولگا پەرەپەچينا كەدەندىك جانە سالىقتىق اكىمشىلەندىرۋدى جەتىلدىرۋ ماسەلەسى وتاندىق كاسىپكەرلىكتى دامىتۋ ءۇشىن ماڭىزدى ەكەنىن اتاپ ءوتتى.

«رەسپۋبليكالىق بيۋدجەت پەن ونىڭ اتقارىلۋى تۋرالى ەسەپتەردى قاراۋ كەزىندە سىرتقى ەكونوميكالىق قىزمەت، كەدەندىك اكىمشىلەندىرۋدى جەتىلدىرۋ، سونداي-اق سالىقتىق اكىمشىلەندىرۋ ماڭىزدى ءارى وتكىر ماسەلەلەردىڭ ءبىرى بولىپ تابىلادى»، دەدى ولگا پەرەپەچينا وتىرىس بارىسىندا.

قارجى ءمينيسترىنىڭ ورىنباسارى مارات سۇلتانعازيەۆ كوشپەلى وتىرىسقا قاتىسۋشىلارعا كەدەندىك ەلەكتروندىق دەكلاراتسيالاۋ تۋرالى ايتتى. ول پاندەميا كەزىندە كەدەن قىزمەتتەرىن قاشىقتان ۇسىنۋ 100% جۇزەگە اسقانىن ايتتى. دەگەنمەن، ءمينيستردىڭ ورىنباسارى كەدەندىك اكىمشىلەندىرۋدى تولىق جەتىلدىرۋ ءۇشىن بارلىق پروتسەستەردى كەڭ اۋقىمدا ودان ءارى تسيفرلاندىرۋ قاجەت دەپ سانايدى.

سەناتور ولگا پەرەپەچينا وتىرىستى قورىتىندىلاي كەلىپ، ۇسىنىلعان ماتەريالداردى تالداۋ نەگىزىندە كوميتەت ۋاكىلەتتى مەملەكەتتىك ورگاندارعا جىبەرىلەتىن قوسىمشا ۇسىنىمدار ازىرلەيتىنىن حابارلادى.

و

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار