دۇنيەجۇزىلىك دەنساۋلىق ساقتاۋ ۇيىمىنىڭ ساراپشىلارى ەكى قاۋىپتى توپتاعى پاتسيەنتتەردى كوروناۆيرۋستىق ينفەكتسيادان ەمدەۋدە كازيريۆيماب پەن يمدەۆيمابتىڭ مونوكلونالدى انتيدەنەلەرىن قولدانۋدى ماقۇلدادى. جاڭارتىلعان ۇسىنىستاردى British Medical Journal جاريالادى.
«ۇسىنىستاردىڭ جاڭا نۇسقاسىن جاريالاۋدىڭ سەبەبى جاقىندا كازيريۆيماب پەن يمدەۆيمابتىڭ ءتورت ءىرى كلينيكالىق سىناقتارىنىڭ ناتيجەلەرى جاريالاندى. ولار اياقتالعاننان كەيىن وسى انتيدەنەلەردى ەڭ وسال ناۋقاستاردى كوروناۆيرۋستان قورعاۋ ءۇشىن, سونداي-اق ءوز انتيدەنەلەرى جوق اۋىر ناۋقاستاردى ەمدەۋ ءۇشىن قولدانۋعا كەڭەس بەرۋگە بولادى», دەپ جازادى زەرتتەۋشىلەر.
كازيريۆيماب جانە يمدەۆيماب - كوروناۆيرۋستىق ينفەكتسيامەن كۇرەسۋ ءۇشىن امەريكاندىق Regeneron كومپانياسىنىڭ ماماندارى جاساعان مونوكلونالدى انتيدەنەلەر. ولاردىڭ كومبيناتسياسى اقش, جاپونيا جانە الەمنىڭ باسقا ەلدەرىندە قولدانۋ ءۇشىن الدىن-الا ماقۇلدانعان.
