تاعايىنداۋ • 24 قىركۇيەك، 2021

اكادەميالىق ادالدىق ليگاسى كەڭەسىنە جاڭا توراعا سايلاندى

261 رەت كورسەتىلدى

ەلوردادا اكادەميالىق ادالدىق ليگاسىنىڭ جالپى جينالىسى ءوتتى، دەپ حابارلايدى Egemen.kz.

قاۋىمداستىقتىڭ قۇرامىنا ەلىمىزدىڭ 11 جوعارى وقۋ ورنى كىرەدى.

جيىن بارىسىندا م.س. نارىكباەۆ اتىنداعى كازگيۋ ۋنيۆەرسيتەتى باسقارما توراعاسىنىڭ ورىنباسارى ەربولات مۇحامەدجان ءبىراۋىزدان اكادەميالىق ادالدىق ليگاسى كەڭەسىنىڭ توراعاسى بولىپ سايلاندى.

كەزدەسۋدە جاڭا باسشى ليگانىڭ دامۋىنا قاتىستى كوزقاراسىن ءبىلدىردى.

«مەنىڭ ويىمشا، اكادەميالىق ادالدىق ليگاسى تەك اكادەميالىق ساپاسى جوعارى جانە كەز كەلگەن اكادەميالىق ادىلەتسىزدىككە جول بەرمەيتىن ۋنيۆەرسيتەتتەرمەن عانا بايلانىستى بولۋى كەرەك. ليگا قر ءبىلىم جانە عىلىم مينيسترلىگىنىڭ ساپاسىز جوعارى وقۋ ورىندارىن جابۋ مەن سۇرانىسقا يە ەمەس ماماندىقتاردىڭ ليتسەنزياسىن قايتارۋ بويىنشا قازىرگى ساياساتىن قولدايدى»، دەدى.

كەڭەس توراعاسى جوعارى ءبىلىم سالاسىنداعى ماسەلەلەرگە قوعامنىڭ نازارىن اۋدارۋ ءۇشىن بار كۇشىن سالىپ، مەديا سالاسىنداعى كاسىبي تاجىريبەسىن بارىنشا پايدالاناتىنىن ايتتى. سونداي-اق اكادەميالىق ادالدىق ليگاسىن جوعارى ءبىلىم سالاسىنداعى كەز كەلگەن وزگەرىسكە دايىن برەند رەتىندە قالىپتاستىراتىنىن مالىمدەدى.

وسى ۋاقىتقا دەيىن ەربولات مۇحامەدجان «Atameken TV» ارناسى باس پروديۋسەرىنىڭ ورىنباسارى، قر ءبىلىم جانە عىلىم ءمينيسترىنىڭ كەڭەسشىسى جانە قر بعم «اقپاراتتىق-تالداۋ ورتالىعى» اق-نىڭ باسقارۋشى ديرەكتورى قىزمەتتەرىن اتقارعان.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار