بۇل تۋرالى جاڭا انگليا (اقش-تىڭ سولتۇستىك-شىعىس ايماعى) حايۋاناتتار باعىنىڭ سايتىندا حابارلاندى.
«جاڭا انگليانىڭ Franklin جانە Stone حايۋاناتتار باقتارىندا جانۋارلار اراسىندا COVID-19 جۇقتىرۋ وقيعالارى بولماعانىمەن, بۇل ۆاكتسينا – ۆيرۋس جۇقتىرۋعا بەيىم جانۋارلار تۇرلەرىن قورعاۋ ءۇشىن ماڭىزدى الدىن الۋ شاراسى», دەدى جاڭا انگليا حايۋاناتتار باعىنىڭ اعا ۆەتەرينارى كريس بونار.
ۆاكتسينانى ءبىرىنشى كەزەكتە كوروناۆيرۋس جۇقتىرۋ قاۋپىنە ۇشىراعان جانۋارلار الادى. ۆاكتسينالاۋ ءۇشىن Ptizer-ءدىڭ قۇرىلىمدىق بولىمشەسى بولىپ تابىلاتىن Zoties ۆەتەرينارلىق فارماتسەۆتيكالىق كومپانياسىنىڭ پرەپاراتى قولدانىلۋدا. Zoties ءتورت اپتا ينتەرۆالمەن ەكى دوزامەن سالىنادى. قاۋىپ شەڭبەرىندەگى بارلىق جانۋارلاردى تولىق ۆاكتسينالاۋ ءۇشىن ءۇش ايدان ءتورت ايعا دەيىن ۋاقىت قاجەت بولادى.
Zoties ۆەتەرينارلىق فارماتسەۆتيكالىق كومپانياسى 70-كە جۋىق حايۋاناتتار باعى مەن جانۋارلاردى قورعايتىن باسقا دا مەكەمەلەردەگى 100-دەن استام ءتۇردى قورعاۋعا كومەكتەسۋ ءۇشىن كوروناۆيرۋسقا قارسى ۆاكتسينانىڭ 11 مىڭنان استام دوزاسىن ءبولدى.
