ايماق باسشىسى ماي اۋدانىن ەكى جىلدان استام ۋاقىت باسقارعان مارات اقتاەۆقا اتقارعان جۇمىسى ءۇشىن العىس ايتىپ, جاڭا اكىمگە ءبىرىنشى كەزەكتەگى مىندەتتەردى ىسكە اسىرۋدى تاپسىردى. ولاردىڭ قاتارىندا اۋداننىڭ ينۆەستيتسيالىق تارتىمدىلىعىن ارتتىرۋ, بيزنەستى قولداۋ, مال شارۋاشىلىعى مەن سۋارمالى ەگىنشىلىكتى دامىتۋ, اۋىل جاستارىنا كومەك كورسەتۋ جانە ت. ب. بار.
اعىباي ءامىرين 1972 جىلى باياناۋىل اۋدانىندا دۇنيەگە كەلگەن. 1995 جىلى پاۆلودار پەداگوگيكالىق ينستيتۋتىن «ماتەماتيكا جانە ينفورماتيكا مۇعالىمى» ماماندىعى بويىنشا, 2006 جىلى قازاق گۋمانيتارلىق زاڭ ۋنيۆەرسيتەتىن زاڭگەر بىلىكتىلىگى بويىنشا, ال 2013 جىلى يننوۆاتسيالىق ەۋرازيا ۋنيۆەرسيتەتىن «ەكونوميكا جانە بيزنەس» جانە «قۇقىقتانۋ» ماماندىعى بويىنشا تامامداعان.
ەڭبەك جولىن 1995 جىلى پاۆلودار قالاسىنداعى № 3 گيمنازيا-ينتەرناتىندا ماتەماتيكا جانە ەسەپتەۋ تەحنيكاسى ءپانىنىڭ مۇعالىمى بولىپ باستادى.
1999 جىلدان باستاپ اقسۋ قالاسىنىڭ كۋيبىشەۆ ورتا مەكتەبىندە ساباق بەردى جانە ديرەكتوردىڭ ورىنباسارى قىزمەتىن اتقاردى.
2003 جىلى اقسۋ قالاسىنىڭ قۇرامىنا كىرەتىن اقجول اۋىلىنىڭ اكىمى بولىپ تاعايىندالدى.
2006 جىلى وبلىستىق مەملەكەتتىك قىزمەت ىستەرى جونىندەگى باسقارماسىنا جۇمىسقا اۋىسىپ, كەڭەسشى لاۋازىمىندا قىزمەت ەتىپ, كەيىن مەملەكەتتىك قىزمەت جانە سىبايلاس جەمقورلىققا قارسى كۇرەس تۋرالى زاڭنامالاردىڭ ساقتالۋىن باقىلاۋ ءبولىمىن باسقاردى.
2012 جىلى پاۆلودار وبلىسى اكىمى اپپاراتىندا ۇيىمداستىرۋ-ينسپەكتورلىق ءبولىمنىڭ باسشىسى, 2014 جىلى وبلىس اكىمى اپپاراتى باسشىسىنىڭ ورىنباسارى بولىپ تاعايىندالدى. 2016 جىلى اقتوعاي اۋدانىنىڭ اكىمى بولىپ تاعايىندالدى.
2018 جىلى پاۆلودار وبلىسى اكىمىنىڭ اپپاراتىنا ورالىپ, وسى مەملەكەتتىك مەكەمەنى باسقاردى.
2020 جىلدان باستاپ اپپارات باسشىسىنىڭ ورىنباسارى لاۋازىمىنا تاعايىندالدى. 2021 جىلدىڭ ءساۋىر ايىندا شارباقتى اۋدانى اكىمىنىڭ ورىنباسارى بولىپ, ەكونوميكا جانە تۇرعىن ءۇي-كوممۋنالدىق شارۋاشىلىعى سالالارىنا جەتەكشىلىك ەتتى.
