19 قىركۇيەكتە ساعات 11:00-دە پوليتسياعا ۇيدەن شىعىپ, ورالماعان قىزىنىڭ جوعالعانى تۋرالى جەتكىزگەن جەرگىلىكتى تۇرعىن جۇگىندى.
جوعالعان قىزدى ىزدەستىرۋ ءۇشىن قالالىق پوليتسيا دەپارتامەنتىنىڭ جەكە قۇرامى, جاياۋ پاترۋلگە تۇسكەن ۇلتتىق ۇلاننىڭ جەكە قۇرامى, سونداي-اق ەرىكتىلەر مەن جۇرتشىلىق باعدارلاندى. سوڭعى رەت قىزدى باراەۆ كوشەسىندەگى كوپىردەن كورگەن. ىزدەۋگە سۇڭگۋىرلەر توبىن تارتۋ تۋرالى شەشىم قابىلداندى.
«22 قىركۇيەك كۇنى ساعات 11:20-دا جەدەل-ىزدەستىرۋ ءىس-شارالارىن وتكىزۋ بارىسىندا پوليتسيا قىزمەتكەرلەرى تجم جەدەل-قۇتقارۋ جاساعىمەن بىرگە ەسىل وزەنىنەن قىزدىڭ ءمايىتىن تاپتى», دەپ حابارلادى نۇر-سۇلتان پد ءباسپاسوز قىزمەتى.
اتالعان فاكتى بويىنشا قىلمىستىق ءىس قوزعالىپ, سوت-مەديتسينالىق ساراپتاما تاعايىندالدى.
