«وسى ۋاقىتقا دەيىن مۇراعاتشى ماماندىعىنا ءجىتى كوڭىل بولىنبەي كەلدى. ونىڭ ىشىندە مەملەكەتتىك ورگاندار تاراپىنان دا نازار از اۋدارىلدى. قازىر ءبىز «ە-ارحيۆ» جاڭا اقپاراتتىق جۇيەسىن ەنگىزۋدەمىز. ونىڭ نەگىزىندە بارلىق مەملەكەتتىك ورگانداردان دەرەكتەر بازاسى جانە ەلەكتروندىق ارحيۆپەن جۇمىس ىستەي الاتىن جوعارى بىلىكتى IT-تەحنولوگيالاردى مەڭگەرگەن مامانداردىڭ جۇمىس ىستەۋى تالاپ ەتىلەدى. مەملەكەت باسشىسى جولداۋدا ارحيۆ قىزمەتكەرلەرىنىڭ جالاقىسىمەن قوسا بىلىكتىلىگىن دە ارتتىرۋدى مىندەتتەدى. جالپى ارحيۆ جۇمىسىن زاماناۋي تۇردە ىلگەرىلەتۋدەگى ماڭىزدى باعىتتىڭ ءبىرى ونى تسيفرلىق فورماتقا اۋىستىرۋ. ياعني, بارلىق قۇجاتتاردى ەلەكتروندى فورماتتا ساقتاۋىمىز قاجەت», دەدى ع. ءابدىراحمانوۆ.
سونداي-اق ۆيتسە-مينيستر مەملەكەت باسشىسى شەتەلدەگى ەلىمىزگە قاتىستى ارحيۆ قۇجاتتارىن زەرتتەۋدى تاپسىرعانىن ەسكە سالدى.
«پرەزيدەنتتىڭ وسى تاپسىرماسىنا سايكەس, ارنايى كەشەندى جوسپار قابىلداندى. جوسپار اياسىندا ءبىزدىڭ ماماندار شەتەلدىك مۇراعاتتارعا بارىپ, ونداعى قۇندى قۇجاتتارمەن تانىسىپ جاتىر», دەيدى ول.
