كيورلينگتەن مۇنداي جوعارى دەڭگەيلى جارىس قازاقستاندا 20 جىلدان كەيىن وتكەلى تۇر. الەم كۋبوگى حالىقارالىق جارىستار كۇنتىزبەسىنە ەنگىزىلگەندىكتەن, ۆەدمستوارالىق كوميسسيا جارىستى ۇيىمداستىرۋعا رۇقسات بەرگەن.
ەندى ءۇش بويى الەمنىڭ ۇزدىك 12 كومانداسى «الماتى-ارەنا» كەشەنىندە كۇش سىناسادى. سونىمەن قاتار حالىقارالىق كەرلينگ فەدەراتسياسىنىڭ باسشىلىعى مەن دەلەگاتسيا وكىلدەرى كەلەدى.
«الەم كۋبوگىنىڭ رەسمي اشىلۋ ءراسىمى 23 قىركۇيەك, ساعات 11:00-دە «الماتى-ارەنادا» وتەدى. ال ويىندار ساعات 9:00-دەن باستالادى. باق وكىلدەرى الدىن الا تىركەۋسىز, ەركىن كىرە الادى. جارىس كەزىندە بارلىق كارانتين جانە سانيتاريا تالابى ساقتالادى», دەپ حابارلايدى مادەنيەت جانە سپورت مينيسترلىگىنىڭ ءباسپاسوز قىزمەتى.
الەم كۋبوگى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ, ۇلتتىق وليمپيادا كوميتەتىنىڭ جانە الماتى قالاسى اكىمدىگىنىڭ قولداۋىمەن وتكىزىلەدى. ال جاھاندىق باسەكەنىڭ ۇيىمداستىرۋ جۇمىسىنا قازاقستان كيورلينگ, ەدەندەگى كيورلينگ, پەتانك فەدەراتسياسى حالىقارالىق كيورلينگ فەدەراتسياسىمەن بىرلەسىپ جاۋاپ بەرەدى.
