ايماقتار • 22 قىركۇيەك، 2021

كوبەلەكتەر كورمەسى

21 رەت كورسەتىلدى

توبىل وڭىرىنە تروپيكالىق كوبەلەكتەردىڭ جىلجىمالى ەكسپوزيتسياسى كەلدى. كليماتى ىلعالدى، ىستىق ايماقتاردى مەكەندەيتىن قاناتتىلاردىڭ ۇيشىگى ارنايى قۇرىلعىمەن جابدىقتالعان. ونى ينسەكتاريۋم دەپ اتايدى ەكەن. ونىڭ ىشىندە كادىمگى ەت جاياتىن اعاشقا ۇقسايتىن بامبۋك تاياقشاسىندا جۇلدىزقۇرتتار ءىلىنىپ تۇر. بۇل جەردە كوبەلەكتىڭ قالاي پايدا بولاتىنىن كورە الاسىز. ماسەلەن، ءبىزدىڭ كوز الدىمىزدا ءبىر جۇلدىزقۇرت جىبىر ەتە قالىپ، قاناتىن جايدى.

كورمەدە كوبەلەكتىڭ ءبىزدىڭ ەلدە كەزدەسە قويمايتىن 19 ءتۇرىن تاماشالاۋعا بولادى.

– مىنا كوبەلەك اتتاكۋس اتلاس دەپ اتالادى. الەمدەگى ەڭ ءىرى كوبەلەكتەردىڭ ءبىرى، قا­نا­تىن جايعاندا ۇزىندىعى 24 سانتيمەترگە دەيىن جەتەدى. كو­بەلەكتەر جاراتىلىسىنان اسا نازىك. الاي­دا ەۆوليۋتسيالىق دامۋ بارىسىندا ولار دا قور­عا­نۋ­دى ۇيرەنە باستادى. كەي­بىر كوبەلەكتەر ۋلى بولىپ كەلەدى، ەندى بىرەۋلەرى قۇسشا سامعايدى. بايقادىڭىزدار ما، اتتاكۋس اتلاستىڭ قانا­تىندا جىلاننىڭ باسىنا ۇق­سايتىن قورعانىش بەلگىسى بار. وكىنىشكە قاراي، بۇل كو­بەلەكتەردىڭ ءومىرى وتە قىسقا. انالىعى 6 كۇن، ال اتا­لىعى 3-اق كۇن ءومىر سۇرەدى. ولار جۇل­دىزقۇرت كەزىندە جي­ناعان ازىق قورى بىتكەنشە ءومىر سۇرەدى. ال ەندى مىنا كو­بەلەكتى التىن قۇسقانات دەپ اتايدى. بۇلاي اتالۋىنىڭ سەبەبى ول ۇشقاندا كوبەلەككە قاراعاندا، قۇسقا كوبىرەك ۇقسايدى. جىلدام كوتەرىلىپ، بيىككە سامعايدى. بۇل دا قورعانۋدىڭ ءبىر ءتۇرى، – دەيدى كورمە ەكسكۋرسوۆودى.

ءۇندىستاندا اتتاكۋس ات­لاس­­تى كادىمگىدەي قول­دا ۇس­تاپ باعادى ەكەن. كوبە­لەك­شى­لەر جاندىكتىڭ قۇرتىنان مىق­­تى تۇكتى جىبەك ماتا الا­دى. مۇنى وزدەرى فاگار جىبەگى دەپ اتايدى. ال تاي­ۆان­­دىق­تار كو­بەلەكتىڭ كو­لەمدى ءپىل­لا­سىن ءاميان رەتىن­دە پايدالانادى.

 

قوستاناي وبلىسى

 

سوڭعى جاڭالىقتار

الماتى تۇرعىندارى سۋسىز قالدى

ايماقتار • بۇگىن، 15:57

كانەلونى اۋىر شايقاس كۇتىپ تۇر

كاسىپقوي بوكس • بۇگىن، 12:18

ۇقساس جاڭالىقتار