قازاقستان • 21 قىركۇيەك، 2021

قۇرلىق اسكەرلەرىنىڭ جاۋىنگەرلىك ازىرلىگى تەكسەرىلۋدە

49 رەت كورسەتىلدى

اسكەرلەردى تەكسەرۋ اياسىندا «ويماشا»، «كوكتال»، «شىعىس» جانە «سارىشاعان» پوليگوندارىنا اۋە قورعانىسى كۇشتەرىنىڭ مايداندىق، اسكەري-كولىكتىك جانە ارميالىق اۆياتسيا ەكيپاجدارى جۇمىلدىرىلدى، دەپ حابارالايدى Egemen.kz قر قورعانىس مينيسترلىگىنە سىلتەمە جاساپ.

اسكەري ۇتقىرلىقتى ارتتىرۋ ماقساتىندا ارنايى ماقساتتاعى بولىمشەلەردىڭ جەكە قۇرامى، قارۋ-جاراق پەن اسكەري تەحنيكا 3000 شاقىرىمنان استام ايماققا جىبەرىلدى. كۇشتەر مەن قۇرالداردى الىس جەرلەرگە جىبەرۋگە اسكەري-كولىكتىك اۆياتسيا ۇشاقتارى پايدالانىلدى.

اۋە قورعانىسى كۇشتەرىنىڭ اسكەري بولىمدەرى مەن بولىمشەلەرى جەدەل اۋەايلاقتاردان جاۋىنگەرلىك ءىس-قيمىلعا دايىندالۋ جانە وعان كىرىسۋ ماسەلەلەرىن پىسىقتايدى. اۋەايلاقتارى جوق اۋدانداردا ءار ءتۇرلى اۋە كەمەلەرىنىڭ ۇشۋى مەن قونۋىنا مۇمكىندىك بەرەتىن كولىك جولدارىنىڭ اۋەايلاق ۋچاسكەلەرى قولدانىلادى.

ۇشاق

كاسپي تەڭىزىنىڭ سۋ ايلاعىنداعى توقماق ءمۇيىسىنىڭ جاعالاۋىندا س-295 اسكەري-كولىكتىك ۇشاقتارى 3000 جانە 5000 مەتر بيىكتىكتەن ارنايى ماقساتتاعى جاساقتى ءتۇسىرۋدى جۇزەگە اسىردى. ارميا اۆياتسياسىنىڭ ەكيپاجدارى مي-35م سوققى بەرۋشى تىكۇشاقتارىنىڭ وق اتىپ شابۋىلداۋ تاسىلىمەن ارنايى ماقساتتاعى بولىمشەلەرىنىڭ دەسانت ءتۇسىرۋىن جۇرگىزدى.

مايداندىق اۆياتسيانىڭ ەكيپاجدارى زىمىران اسكەرلەرىمەن جانە راديوەلەكتروندىق كۇرەس قۇرالدارىمەن ءوزارا ءىس-قيمىل جاساپ، قارسىلاستىڭ نىساندارىنا سوققى جاسادى.

ۋ

تەكسەرۋگە سۋ-30سم، سۋ-27 كوپفۋنكتسيونالدى جويعىشتارى، س-295 اسكەري-كولىكتىك ۇشاعى جانە مي-35م، مي-17، مي-8، مي-171ش، ەس-145 تىكۇشاقتارى  جانە ۇشقىشسىز ۇشۋ اپپاراتتارى جۇمىلدىرىلدى.

پ

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار