اۋىل شارۋاشىلىعى داقىلىن تۇركيا ەلىنە جەتكىزۋدى «قازاقستان تەمىرجولى» ۇلتتىق كومپانياسىنىڭ «KTZ Express» اكتسيونەرلىك قوعامى جۇزەگە اسىرادى. وسى ماقساتتا «KTZ Express» اكتسيونەرلىك قوعامى مەن تۇركيانىڭ «Teryak group» كومپانياسىمەن 15 مىڭ توننا ءونىمدى جونەلتۋ تۋرالى كەلىسىمشارت جاسالعان.
«KTZ Express» اكتسيونەرلىك قوعامى تۇركيانىڭ «Teryak group» حولدينگىمەن 15 مىڭ توننا جاسىمىقتى جونەلتۋ تۋرالى كەلىسىمشارت جاساستى. ياعني, 600 كونتەينەردى تاسىمالداۋ جۇمىستارى جوسپارلاندى», دەدى «KTZ Express» اق باس ديرەكتورى نۇرلان يگەمباەۆ.
قازىرگى كەزدە جاسىمىقتىڭ العاشقى پارتياسى ارنايى كونتەينەرلەرگە تيەلۋدە.
«ازات» جشس باسشىلىعىنىڭ ايتۋىنشا, جۇك الداعى دۇيسەنبى كۇنىنە دەيىن جونەلتىلەتىن بولادى.
ء«بىزدىڭ كاسىپورىندا العاش رەت بيىلعى جىلدىڭ جاسىمىعىن ۆاگونمەن ەمەس, ارنايى كونتەينەرلەر ارقىلى ەكسپورتتاۋ قولعا الىنىپ وتىر. بۇل بىزگە ءونىمدى شاشپاي جەتكىزۋگە مۇمكىندىك بەرەدى. قازىرگى ۋاقىتتا 2 مىڭ توننا جاسىمىقتى كونتەينەرلەرگە تيەپ, جەدەل جونەلتۋ بويىنشا تۇراقتى باقىلاۋ شارالارى جۇرگىزىلۋدە», دەدى كاسىپورىن باسشىسى قانات تولەباەۆ.
«KTZ Express» اكتسيونەرلىك قوعامى كەلىسىم شارت بويىنشا جىل سوڭىنا دەيىن 10 مىڭ توننا جاسىمىقتى ەكسپورتقا تاسىمالداۋدى جوسپارلاپ وتىر.
