الماتى قالاسىنىڭ كاسىپكەرلىك جانە ينۆەستيتسيالار باسقارماسى تۇسىندىرگەندەي, نان باعاسىنىڭ جەلتوقسان ايىنا دەيىن كوتەرىلۋى بولجانبايدى.
بۇگىنگى تاڭدا الماتىدا نان باعاسى ءبىر بولكە ءۇشىن 75-تەن 90 تەڭگەگە دەيىن, بۇل ەل بويىنشا ەڭ تومەن باعالاردىڭ ءبىرى.
«بۇل كورسەتكىشتەرگە الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ بويىنشا قابىلدانىپ جاتقان شارالار ەسەبىنەن قول جەتكىزىلدى. «اينالىم» قارىزدارىن ىسكە اسىرۋ شەڭبەرىندە «اقساي «نان-توقاش كومبيناتى» جشس-نە الەۋمەتتىك نان ءوندىرۋ ءۇشىن 23,8 مىڭ توننادان استام كولەمدە 1 ملرد تەڭگە سوماسىنا, ءبىر بولكە ءۇشىن 75 تەڭگە دەڭگەيىندە بەلگىلەنگەن شەكتى بوساتۋ باعاسىمەن جەڭىلدىكتى قارىز بەرىلدى», دەپ حابارلادى باسقارمادان.
سونىمەن قاتار, اكىمدىكتە نان باعاسىنىڭ تومەندىگى قالاي قامتاماسىز ەتىلەتىنى ناقتىلاندى.
«ناننىڭ تومەن باعاسىن قامتاماسىز ەتۋ «اقساي «نان-توقاش كومبيناتى» جشس-مەن جەڭىلدىكتى قارىز تۋرالى شارت جاساسۋعا بايلانىستى, سونداي-اق «اقساي» ونىمدەرىن جەتكىزۋمەن بارلىق ساۋدا جەلىلەرىن, 3000-نان استام ء«ۇي جانىندا» دۇكەندى جانە ديستريبيۋتورلاردىڭ كومەگىمەن ءىشىنارا ازىق-ت ۇلىك بازارلارىن قامتۋ ەسەبىنەن جۇرگىزىلەدى. «تويمارت» ساۋدا جەلىسىندە 940 توننا ناندى سورەدە بەكىتىلگەن باعامەن ساتۋ - ءبىر بولكە ءۇشىن 75 تەڭگە», دەپ تولىقتىردى اكىمدىك.
