قىلمىستىق-اتقارۋ جۇيەسى كوميتەتى وسى جىلدىڭ 1 قىركۇيەگىندە سەرىك احمەتوۆ مەرزىمىن وتەۋىنە بايلانىستى ەسەپتەن شىعارىلعانىن حابارلادى. قازىر ول پروباتسيا قىزمەتىندە بەلگىلى ءبىر لاۋازىمداردى اتقارۋعا تىيىم سالۋ تۇرىندەگى قوسىمشا جازا بويىنشا ەسەپتە تۇر.
2015 جىلدىڭ جەلتوقسانىندا سەرىك احمەتوۆ مۇلكىن تاركىلەپ جانە بەس جىل بويى مەملەكەتتىك لاۋازىمداردى اتقارۋ قۇقىعىنسىز بيۋدجەت قاراجاتىن جىمقىرعانى, لاۋازىمدىق وكىلەتتىكتەرىن اسىرا پايدالانعانى جانە كاسىپكەرلىك قىزمەتكە زاڭسىز قاتىسقانى ءۇشىن 10 جىلعا باس بوستاندىعىنان ايىرىلدى. احمەتوۆ ءوز كىناسىن مويىندامادى, الايدا قازاقستاننىڭ تۇڭعىش پرەزيدەنتى نۇرسۇلتان نازارباەۆتان كەشىرىم سۇرادى.
2016 جىلدىڭ ناۋرىزىندا ونىڭ جازا مەرزىمى 8 جىلعا دەيىن قىسقاردى. سوت ۇكىمدى جەڭىلدەتۋدى احمەتوۆ شىن جۇرەكتەن وكىنىپ, 2,5 ملرد تەڭگە زالالدى وتەگەندىگىمەن ءتۇسىندىردى.
2017 جىلدىڭ قىركۇيەگىندە ەكس-پرەمەر باس بوستاندىعىنان ايىرۋدى تۇرعىلىقتى جەرى بويىنشا باس بوستاندىعىن شەكتەۋگە اۋىستىردى.
سەرىك احمەتوۆ ۋدو-عا ءوتىنىش بەردى, بىراق سوت ءوتىنىشتى قاناعاتتاندىرۋدان باس تارتتى. 2020 جىلدىڭ ماۋسىم ايىندا سوت ءوتىنىش بەرۋشىنىڭ كەرى شاقىرىلۋىنا بايلانىستى حقب تۋرالى ءوتىنىشتى قاراۋسىز قايتاردى.
سەرىك احمەتوۆ ءار جىلدارى تەمىرتاۋ قالاسىنىڭ اكىمى, قاراعاندى وبلىسىنىڭ اكىمى, كولىك جانە كوممۋنيكاتسيا ءمينيسترى, قورعانىس ءمينيسترى بولعان.
