«13-19 قىركۇيەك ارالىعىندا ەلىمىزدە ء«جاسوسپىرىم» جەدەل الدىن الۋ ءىس-شاراسى وتكىزىلدى. ونىڭ ماقساتى – جاسوسپىرىمدەر قىلمىسىنىڭ جولىن كەسۋ, بالا قۇقىعىن قورعاۋ سالاسىنداعى قۇقىق بۇزۋشىلىقتى انىقتاۋ, ولاردىڭ قۇقىقتىق ساۋاتىن ارتتىرۋ, سونىمەن قاتار ولارعا قاتىستى قىلمىستىق وزبىرلىقتىڭ الدىن الۋ», دەدى رەسمي وكىل ءىىم ءباسپاسوز قىزمەتى الاڭىندا وتكەن بريفينگتە.
ونىڭ ايتۋىنشا, ءىس-شاراعا پوليتسيا قىزمەتكەرلەرىنەن بولەك ءبىلىم بەرۋ, دەنساۋلىق ساقتاۋ, جەرگىلىكتى اتقارۋشى ورگاندار, ۇكىمەتتىك ەمەس ۇيىمدار وكىلدەرى جۇمىلدىرىلعان.
«اپتا ىشىندە جۇرگىزىلگەن وپەراتسيا بارىسىندا تۇنگى ۋاقىتتا اتا-اناسىنسىز دالادا جۇرگەن 4,6 مىڭ ءجاسوسپىرىم انىقتالدى.
ءجاسوپىرىم بۇزاقىلىعىنىڭ 26-دان استام فاكتىسى اشكەرەلەندى. شامامەن 130 ءجاسوسپىرىم الكوگول ىشكەنى جانە ماس كۇيدە جۇرگەنى ءۇشىن ۇستالدى. بەيىمدەۋ ورتالىعىنا قاداعالاۋسىز جانە قورعانسىز جۇرگەن 260-تان استام ءجاسوسپىرىم ورنالاستىرىلدى», دەدى ءنۇردىلدا وراز.
