جابىرلەنۋشىنىڭ ايتۋىنشا, كوشەلەردىڭ بىرىندە بەلگىسىز بىرەۋلەر ونى توقتاتىپ, اقشا بەرۋدى تالاپ ەتكەن. وسىدان كەيىن قاسكۇنەمدەر قىزدى ۇرىپ-سوعىپ, قالتاسىنان 20 مىڭ تەڭگە مەن ۇيالى تەلەفونىن, قولىنان التىن بىلەزىگىن شەشىپ العان.
«پوليتسەيلەر ءبىر تاۋلىك ىشىندە كۇدىكتىنى انىقتاپ, ۇستادى. ول پوليتسيا باسقارماسىنا جەتكىزىلگەن جەرگىلىكتى تۇرعىن بولدى. كۇدىكتىدەن الىنعان ۇيالى تەلەفون مەن التىن بىلەزىك زاڭدى يەسىنە قايتارىلدى», دەپ حابارلادى تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى.
اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. قاراقشىلاردىڭ باسقا ۇقساس قىلمىستارعا قاتىسى بار-جوعى انىقتالۋدا.
