بۇل تۋرالى Reuters اگەنتتىگى مالىمدەدى.
ايەلدەر وتكەن ايدا «تاليبان» بيلىكتى باسىپ العاننان كەيىن بىرنەشە اپتا ىشىندە جۇمىسقا ورالماق بولعانىن ايتتى, بىراق تالىپتەر ولارعا ۇيدە وتىرۋدى بۇيىرعان. تەك ەر ادامدار الماستىرا المايتىن جۇمىسقا ايەلدەرگە بارۋعا رۇقسات ەتىلگەن.
كابۋلدىڭ ۋاقىتشا مەرى حامدۋللا نامونونىڭ ايتۋىنشا, بۇعان قۇرىلىمدىق جانە ينجەنەرلىك بولىمدەردىڭ بىلىكتى قىزمەتكەرلەرى, سونداي-اق ايەلدەرگە ارنالعان قوعامدىق دارەتحانالاردىڭ قىزمەتكەرلەرى كىرەدى. ول كابۋل مۋنيتسيپالدى دەپارتامەنتتەرىندەگى ايەل قىزمەتكەرلەر تۋرالى تۇپكىلىكتى شەشىم ءالى قابىلدانباعانىن ايتتى.
سونداي-اق, تالىپتەر كابۋلداعى ايەلدەر ىستەرى مينيسترلىگىن جاۋىپ تاستادى, ونىڭ ورنىنا ىزگىلىكتى كوتەرمەلەۋ جانە جاماندىقتىڭ الدىن-الۋ ءبولىمىن اشتى. مينيسترلىك عيماراتىنداعى بەلگى دە وزگەرگەن.
نارازىلىق شاراسى «تاليبان» ۇلدار مەن ەر مۇعالىمدەرگە مەكتەپكە ورالۋعا رۇقسات بەرىپ, ال قىزدار ساباقتان شەتتەتىلگەننەن كەيىن باستالدى.
جاڭا بيلىكتىڭ رەسمي وكىلى زابيحۋللا مۋدجاحيد ۇكىمەتتە قىزداردى وقۋعا قايتارۋ جوسپارى بار ەكەنىن, بىراق قازىرگى ۋاقىتتا مۇعالىمدەردى بولەتىن پروتسەدۋرا «پىسىقتالىپ» جاتقانىن اتاپ ءوتتى.
وسىعان قاراماستان, اۋعانستانداعى جاعداي وتكەن عاسىردىڭ 90-جىلدارىنا, بۇكىل ەلدە ايەلدەر بىلىمىنە تىيىم سالىنعان كەزگە قايتا ورالادى دەگەن قورقىنىش بار.
بۇعان دەيىن ايەلدەر اۋعانستانداعى قۇقىقتارىن ساقتاۋدى تالاپ ەتىپ, بىرنەشە رەت نارازىلىققا شىققان بولاتىن. شەرۋگە قاتىسۋشىلار ايەلدەردىڭ ەلدى باسقارۋعا قاتىسۋىن تالاپ ەتەدى, ال تالىپتەر مۇنى جوققا شىعاردى.
