قازاقستان قازىر الەمگە تانىلا باستادى. قازاق ەلى وتكەن 22 جىلدا قىرۋار ءىس تىندىردى. اسەم استانا سالدى, حالىق سانى جىلدان-جىلعا كوبەيۋدە. قىسقاسى, ءبىز ۇلگىلى دامۋدىڭ وزىندىك مودەلىن قالىپتاستىردىق. بۇگىنگى ۇرپاق ەرتەڭگى كۇنگە سەنىممەن قارايدى.
بيىلعى جولداۋدىڭ ءاربىر ءسوزى, ءاربىر سويلەمى, ەلدىك مۇراعاتتارعا جاۋاپ بەرەدى. ورتا جانە شاعىن بيزنەستى دامىتۋ, ءبىلىم, عىلىم, دەنساۋلىق ساقتاۋ سالاسىن ىلگەرى دامىتۋ – ەل بولاشاعىنىڭ كەپىلى.
بابالار ارمانى ەدى
قازاقستان قازىر الەمگە تانىلا باستادى. قازاق ەلى وتكەن 22 جىلدا قىرۋار ءىس تىندىردى. اسەم استانا سالدى, حالىق سانى جىلدان-جىلعا كوبەيۋدە. قىسقاسى, ءبىز ۇلگىلى دامۋدىڭ وزىندىك مودەلىن قالىپتاستىردىق. بۇگىنگى ۇرپاق ەرتەڭگى كۇنگە سەنىممەن قارايدى.
بيىلعى جولداۋدىڭ ءاربىر ءسوزى, ءاربىر سويلەمى, ەلدىك مۇراعاتتارعا جاۋاپ بەرەدى. ورتا جانە شاعىن بيزنەستى دامىتۋ, ءبىلىم, عىلىم, دەنساۋلىق ساقتاۋ سالاسىن ىلگەرى دامىتۋ – ەل بولاشاعىنىڭ كەپىلى.
ءبىر قۋانىشتىسى – ماڭگىلىك ەل – «قازاقستان-2050» ستراتەگياسىنىڭ تۇپقازىعى. يندۋستريانى عىلىمي نەگىزدە دامىتۋ, ەڭبەككەرلەردىڭ ءال-اۋقاتىن ارتتىرۋ ارقىلى جارقىن بولاشاققا نىق قادام جاسايمىز. مىنە, جولداۋداعى باستى قاعيدا وسى باعىتقا ارنالعان.
سىر ءوڭىرى اۋىل شارۋاشىلىعى قازبا بايلىقتارى جاعىنان كەم ەمەس ءوڭىر. سوندىقتان اگرارلىق سەكتوردى دامىتۋعا, ءوندىرىستى دامىتۋعا كۇش جۇمىلدىرۋىمىز كەرەك.
بۇگىنگى ۇرپاق – ماڭگىلىك قازاقستان ەلىنىڭ پەرزەنتى, قازاق ەلىنىڭ ەندىگى يدەياسى – ماڭگىلىك ەل!
ءبىز ەندىگى جەردە جۇمىلعان جۇدىرىقتاي بىرلىكپەن ەڭبەك ەتىپ, ءونىمنىڭ ساپاسىن الەمدىك ستاندارتقا جەتكىزۋىمىز كەرەك.
بارىنە شۇكىر دەيىكشى, بار-جوعى 22 جىلدا استانا تۇرعىزدىق, ەندى الداعى جىلداردا قالا حالقى ميلليونعا جۋىقتايدى. الەم وسىناۋ بوي كوتەرگەن استانا عيماراتتارىنا تاڭىرقايدى. ارعىماقتاردىڭ اياعى جەتپەيتىن الىس-جاقىن شەتەلدەردە مىڭداعان قازاق جاستارى ءبىلىم الۋعا جول اشتى. ۇشقىر قيال كوككە قاراي سامعاپ بارادى.
«قازاقستان-2050» ستراتەگياسى نۇرلى بولاشاقتىڭ باعدارشامىن ايقىنداپ بەرگەنى اقيقات. راس, ءماڭگىلىك ەل بولۋ – ءوز قولىمىزدا. تەك ءبىرلىك, ىنتىماق, وتانعا دەگەن پاتريوتيزم ءبىزدى بيىك شىڭدارعا تالماي جەتكىزەدى.
ابدىعاپپار امىرعالي ۇلى,
ۇلتتىق ساراپتاۋ جانە سەرتيفيكاتتاۋ ورتالىعىاق
قىزىلوردا فيليالىنىڭ ديرەكتورى,
اۋىلشارۋاشىلىعى عىلىمدارىنىڭ كانديداتى.
قىزىلوردا.
بولاشاققا باستايتىن قۇجات
ەلباسىمىز نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىن تىڭداپ, ءوزىم جۇمىس اتقاراتىن سوكولوۆ-سارىباي تاۋ- كەن بايىتۋ بىرلەستىگىنە قاراستى «سوكولوۆ» جەراستى كەنىشىندەگى ارىپتەستەرىممەن بىرگە وي ءبولىسىپ, تالقىلاپ شىقتىق. ءبىزدىڭ شاحتەرلەر قاۋىمى ەل دامۋىنىڭ ءاربىر جەتىستىگىنە ۇلەس قوسىپ, حالىق يگىلىگى ءۇشىن ايانباي تەر توگەدى. ونىڭ ۇستىنە ەلباسىمىزدىڭ ءوز ەڭبەك جولىن مەتاللۋرگ بولىپ باستاعانى دا جىگەرىمىزگە جىگەر قوسادى. پرەزيدەنت ءوز جولداۋىندا «ءبىر جىل بۇرىن مەن ەلىمىزدىڭ 2050 جىلعا دەيىنگى دامۋىنىڭ جاڭا ساياسي باعدارىن جاريا ەتتىم. باستى ماقسات – قازاقستاننىڭ ەڭ دامىعان 30 مەملەكەتتىڭ قاتارىنا قوسىلۋى. ول – «ماڭگىلىك قازاقستان» جوباسى, ەل تاريحىنداعى ءبىز اياق باساتىن جاڭا ءداۋىردىڭ كەمەل كەلبەتى», دەپ بار ماقساتتى ءبىر اۋىز سوزگە سىيعىزىپ ايتتى.
ءبىز ەلىمىزگە دەگەن ەڭبەگىمىزدى ايامايمىز. وتباسىنداعى بالالارىمىز وقىپ ءبىلىم الىپ, ءتالىم مەن تاربيە تەرسە, ادالدىق پەن ادامي قۇندىلىقتاردى قۇنتتاي بىلسە, ەلىم, جەرىم دەپ قىزمەت اتقارسا – الدىڭعى قاتارداعى وتىز مەملەكەتتىڭ ورتاسىنان ورىن الۋ ورىندالاتىن ماقسات. «قازاقستاندىقتار ەرتەڭىنە, ەلىنىڭ بولاشاعىنا سەنىممەن قارايدى. بۇگىندە وتانىمىزدىڭ جەتىستىكتەرى – ءاربىر ازاماتتىڭ ۇلتتىق ماقتانىشى. كۇشتى, قۋاتتى مەملەكەتتەر عانا ۇزاقمەرزىمدىك جوسپارلاۋمەن, تۇراقتى ەكونوميكالىق وسۋمەن اينالىسادى. «قازاقستان-2050» ستراتەگياسى – بارلىق سالانى قامتيتىن جانە ۇزدىكسىز ءوسۋدى قامتاماسىز ەتەتىن جاڭعىرۋ جولى. ول – ەلدىگىمىز بەن بىرلىگىمىز, ەرلىگىمىز بەن ەڭبەگىمىز سىنالاتىن, سىنالا ءجۇرىپ شىڭدالاتىن ءۇلكەن ەمتيحان. ستراتەگيانى ءمۇلتىكسىز ورىنداپ, ەمتيحاننان مۇدىرمەي ءوتۋ – ورتاق پارىز, ابىرويلى مىندەت!», دەگەن نۇرسۇلتان ءابىش ۇلىنىڭ سوزدەرى ارقايسىمىزدىڭ جۇرەگىمىزدەن ورىن الىپ, ەل مۇددەسىنە قىزمەت جاساۋعا باعىت بەرەدى. كەزىندە «جاستىقتىڭ وتى قايداسىڭ, جۇرەكتى ءتۇرتىپ قوزعاماي, عىلىمنىڭ ءبىلىپ پايداسىن, دۇنيەنىڭ كوركىن بولجاماي» دەپ اباي اتامىز جاستارعا ءۇمىت ارتسا, ەندى ەلباسىمىز جىل سايىن جول كورسەتىپ, جولداۋ ارناپ وتىرادى. بۇل – ماڭگىلىك ەل يدەياسىن وسى كۇننەن باستاپ جۇزەگە اسىراتىن جاستاردى باقىتتى بولاشاققا باستايتىن باسپالداق, جارىعى مول شامشىراق, كورسەتىلگەن قولداۋ دەپ بىلەمىن.
بەيبىت نۇرعازين,
«سوكولوۆسكايا»
شاحتاسىنىڭ ۇڭگۋشىسى.
قوستاناي وبلىسى.
بىرلىك – بەرەكە كەپىلى
ەلباسى جىل سايىنعى جولداۋىندا قۇقىق قورعاۋ سالاسىنىڭ جۇمىسىنا ۇلكەن ءمان بەرىپ, باعىت-باعدار سىلتەپ وتىرادى. بيىلعى جولداۋدا نۇرسۇلتان ءابىش ۇلى: «بارلىق قۇقىق قورعاۋ جۇيەسى جۇمىسىنىڭ ساپاسىن ارتتىرۋ قاجەت. زور وكىلەتتىلىك پەن قۇقىق يەلەنگەن شەندىلەر ءمىنسىز مىنەز-قۇلقىمەن جانە جوعارى كاسىبي دەڭگەيىمەن ەرەكشەلەنۋگە ءتيىس», دەپ وسى سالا قىزمەتكەرلەرىنە ۇلكەن جاۋاپكەرشىلىك جۇكتەدى. ءوزىم قىزمەت ەتەتىن ورداباسى اۋداندىق ىشكى ىستەر بولىمىندە بۇگىندە 124 قىزمەتكەر جۇمىس ىستەيدى. بىرنەشە ۇلت وكىلدەرىنەن قۇرالعان ءبىزدىڭ جەكە قۇرام وتە تاتۋ-ءتاتتى, ىنتىماق, بىرلىكتە ەڭبەك ەتىپ كەلەدى.
«ورداباسى – ەل جۇرەگى, جەر كىندىگى», دەپ ەلباسىمىز ن.نازارباەۆ وتە ءدال تاۋىپ ايتقان. بابالارىمىز اڭساعان بىرلىك پەن تاتۋلىقتى بۇگىندە ورداباسى اۋدانىنىڭ حالقى تۋ ەتىپ ۇستاپ, بەرەكەلى دە مەرەكەلى تىرشىلىگىمەن پاش ەتىپ وتىر. ۇلتتىق بىرلىك, بەيبىتشىلىك پەن كەلىسىم وسى كيەلى ءوڭىردە ماڭگىلىككە ورىن تەپكەن. «قازاقستان-2050» ستراتەگياسىن جۇزەگە اسىرۋدىڭ ءتيىمدى جولدارىن جىلىكتەپ بەرگەن بۇل جولداۋداعى جۇرتتىڭ رۋحىن كوتەرەتىن «ءماڭگىلىك ەل» ۇعىمىنىڭ ورنى ەرەكشە. ول وسى ستراتەگيانىڭ ءتۇپ قازىعى ەتىپ الىنىپ وتىر. ءوزارا تۇسىنىستىك پەن بىرلىكتىڭ, تاتۋ تىرشىلىكتىڭ ارقاسىندا عانا بۇل يدەيانىڭ شاڭىراعى شايقالمايدى.
سونداي-اق, ماڭىزدى مىندەتتەر, ءتۇيىندى تاپسىرمالار تىزبەكتەلگەن بۇل جولداۋ بولاشاقتىڭ باعدارشامى ىسپەتتەس. ورداباسى اۋداندىق ىشكى ىستەر ءبولىمى جولداۋدا كورسەتىلگەن جوسپارلاردى جۇزەگە اسىرۋعا ءوز ۇلەستەرىن قوسۋعا قاشاندا ءازىر جانە تىڭعىلىقتى تىرلىكتەرىمەن ءوز ۇلەستەرىن قوسىپ تا كەلەدى.
ارينە, قىزمەتكەرلەردەن ساپالى جۇمىس تالاپ ەتۋ ءۇشىن ولاردىڭ الاڭسىز جۇمىس ىستەۋىنە جاقسى جاعداي جاساۋ كەرەك. ەلباسىمىزدىڭ ءبىزدىڭ سالاعا قويىپ وتىرعان باستى تالابى دا وسى. اۋداندىق ىشكى ىستەر ءبولىمىنىڭ باستىعى نۇرجان تىلەۋوۆتىڭ تاباندىلىعى ارقاسىندا وتكەن جىلدارى وبلىستىق بيۋدجەتتەن قارجى ءبولىنىپ, عيماراتىمىز جوندەلدى. بۇدان بولەك, وبلىستىق بيۋدجەتتەن قارجى قاراستىرىلىپ, شۇبارسۋ, قاجىمۇقان, تورتكول, بادام, قاراسپان, شۇبار اۋىلدارىنداعى تىرەك پۋنكتتەرىنە عيماراتتار ساتىپ الىندى. ماتەريالدىق-تەحنيكالىق بازامىزدى جاقسارتۋ ءۇشىن وبلىستىق ىشكى ىستەر دەپارتامەنتى تاراپىنان باسقا دا كوپتەگەن جۇمىستار جاسالۋدا.
ەندەشە, ەلباسىمىزدىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىن بۇكىل قازاقستاندىقتاردى جاڭا بەلەستەردى باعىندىرۋعا جەتەلەيتىن جانە ورتاق ماقساتقا توپتاستىراتىن تاريحي قۇجات دەۋىمىز كەرەك.
باقىتجان ماحانبەتوۆ,
ورداباسى اۋداندىق ءىىب باستىعىنىڭ
ورىنباسارى, پوليتسيا پودپولكوۆنيگى.
وڭتۇستىك قازاقستان وبلىسى.
