ەلوردا • 19 قىركۇيەك، 2021

ەلوردادا جىل سوڭىنا دەيىن 500 مىڭعا جۋىق اعاش وتىرعىزىلادى

25 رەت كورسەتىلدى

بۇل تۋرالى قالا اكىمى التاي كولگىنوۆ حابارلادى، دەپ جازادى Egemen.kz.

«ەلوردامىزدى  كوگالداندىرۋ ءجۇرىپ جاتىر. قالادا سەنبىلىكتەر مەن ءداستۇرلى كۇزگى اعاش وتىرعىزۋ كەزەڭى باستالدى. وسى كۇزدە 500 مىڭعا جۋىق اعاش پەن جاسىل جەلەك، ونىڭ ىشىندە ەلوردانىڭ جاسىل بەلدەۋىندە دە وتىرعىزۋدى جوسپارلاپ وتىرمىز.

مەملەكەت باسشىسى كوگالداندىرۋعا ەرەكشە كوڭىل بولەدى، ويتكەنى بۇل ەل مەن قالالاردى دامىتۋدىڭ اجىراماس بولىگى. وسى جىلدىڭ وزىندە ەلوردادا وتىرعىزىلعان اعاشتار مەن جاسىل جەلەكتەردىڭ جالپى سانى 1 ملن-نان اسادى.

بۇگىن بۇكىلالەمدىك «World Cleanup day 2021» تازالىق كۇنى جانە «Birge – taza Qazaqstan» رەسپۋبليكالىق ەكوينيتسياتيۆاسى اياسىندا وتكىزىلەتىن جالپىقالالىق سەنبىلىككە قاتىستىم. جۇمىس ەلوردانىڭ بارلىق اۋداندارىندا، سونىڭ ىشىندە ەلدى مەكەندەردە جۇرگىزىلدى: بۇگىندە شامامەن 3 مىڭ اعاش وتىرعىزىلدى – ەمەن، قايىڭ، شىرشا، قاراعاي، جوكە جانە ت.ب. جالپى اۋدانى 3 ملن شارشى مەترگە جۋىق ساياباقتار مەن گۇلزارلار تازارتىلدى. تەك كوممۋنالدىق سەنبىلىك كۇنى 450 توننادان استام قوقىس شىعارىلدى.

مىسالى، بىرنەشە جەرگە باردىم: ەسىل وزەنىنىڭ بويىنداعى ساياباقتى اباتتاندىرۋدى جانە جاپپاي كوگالداندىرۋدى جالعاستىرامىز، سونداي-اق اكىمدىك اۋماعىنا اعاشتار وتىرعىزامىز. سونىڭ ىشىندە اگروقالاشىق ەلدى مەكەنىنە بارىپ، تۇرعىندارمەن كەزدەستىم. ولاردىڭ ءوتىنىشى بويىنشا جاتتىعۋ ورىندارى بار الاڭدار، دەمالۋعا ارنالعان ورىندار، ۇلكەن فۋتبول الاڭى جانە ت.ب. اشىلدى. بۇل اگروقالاشىقتاعى العاشقى قوعامدىق كەڭىستىك. ەكى جىلدىڭ ىشىندە قالادا 400 اۋلا مەن قوعامدىق كەڭىستىك (ساياباقتار، گۇلزارلار، جەلەكجولدار) سالىندى. 

تۇرعىندارعا، ۆولونتەرلەرگە، ارىپتەستەرىمە جانە قاتىسقانداردىڭ بارىنە العىس ايتامىن. بىرلەسكەن كۇش-جىگەرىمىز ارقىلى قالامىزدى بۇدان دا جاسىل ەتەيىك!»، دەپ جازدى ەلوردا اكىمى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار