كەشە ۇلتتىق كاسىپكەرلەر پالاتاسى تورالقاسىنىڭ توراعاسى تيمۋر ق ۇلىباەۆ جانە وسى پالاتانىڭ باسقارما توراعاسى ابىلاي مىرزاحمەتوۆ باق وكىلدەرىمەن ءباسپاسوز ءماسليحاتىن وتكىزىپ, بۇل جاڭا قۇرىلىمنىڭ اتقاراتىن جۇمىسى مەن مىندەتتەرى تۋرالى باياندادى.
كەشە ۇلتتىق كاسىپكەرلەر پالاتاسى تورالقاسىنىڭ توراعاسى تيمۋر ق ۇلىباەۆ جانە وسى پالاتانىڭ باسقارما توراعاسى ابىلاي مىرزاحمەتوۆ باق وكىلدەرىمەن ءباسپاسوز ءماسليحاتىن وتكىزىپ, بۇل جاڭا قۇرىلىمنىڭ اتقاراتىن جۇمىسى مەن مىندەتتەرى تۋرالى باياندادى.
ءباسپاسوز ءماسليحاتىن تيمۋر ق ۇلىباەۆ اشىپ, كىرىسپە ءسوز سويلەدى. ءوز سوزىندە ول مەملەكەت پەن بيزنەس اراسىندا سەنىمدى كوپىر بولىپ تابىلاتىن جاڭا قۇرىلىمنىڭ ومىرگە كەلگەنىن اتاپ كورسەتتى. بۇگىنگى تاڭدا پالاتانى ۇيىمداستىرۋ جۇمىستارى تولىق اياقتالدى. ەلىمىزدىڭ بارلىق وڭىرلەرىندە اۋداندىق دەڭگەيگە دەيىنگى ناقتى ساتىلاس ۇلتتىق كاسىپكەرلەر پالاتاسىنىڭ قۇرىلىمى قالىپتاستى. الدا تۇرعان ەندىگى باستى مىندەت كاسىپكەرلەر پالاتاسىنىڭ مەملەكەتتىك ورگاندارمەن, جەرگىلىكتى اتقارۋشى بيلىك ورگاندارىمەن ءوزارا ارىپتەستىك بايلانىسىن قالىپتاستىرۋ بولىپ تابىلادى.
بۇگىندە ەلىمىزدە تىركەلگەن 1,5 ميلليوننان استام كاسىپكەرلىك سۋبەكتىلەرى بار. ونىڭ 20 مىڭى ورتا كاسىپكەرلىك بۋىن بولسا, قالعانى شاعىن بيزنەستە جۇمىس ىستەيدى. ءتىپتى, ونى ميكروبيزنەس دەپ تە اتاۋعا بولادى. ناق وسى ماسەلە بۇگىن ۇكىمەتتە وتكەن ماجىلىستە اتاپ كورسەتىلدى. ۇكىمەت الداعى ۋاقىتتا 15 ادامعا دەيىنگى شاعىن كاسىپورىنداردى ميكروبيزنەس دەپ تانۋ جونىندە شەشىم قابىلداماق, دەپ اتاپ كورسەتتى تيمۋر ق ۇلىباەۆ. بولاشاقتا ورتا جانە شاعىن بيزنەس سۋبەكتىلەرىنە كومەك كورسەتۋ ماسەلەسىندە ۇلتتىق كاسىپكەرلەر پالاتاسى «ءبىر تەرەزە» قاعيداتىمەن جۇمىس ىستەيتىن بولادى. قازىر شاعىن جانە ورتا كاسىپكەرلىككە بايلانىستى بارلىق تەتىكتەر ۇكىمەتتەن ۇلتتىق كاسىپكەرلەر پالاتاسىنا بەرىلدى. بۇگىندە پالاتانىڭ جەر-جەردەگى قۇرىلىمدارى كاسىپكەرلىكتى دامىتۋعا قانداي ماسەلەلەردىڭ كەدەرگى بولىپ وتىرعاندىعى, اسىرەسە, اۋىلدىق جەرلەردە شاعىن كاسىپكەرلىكتى دامىتۋ ءۇشىن قانداي ماسەلەلەردى ءجۇزەگە اسىرۋ كەرەكتىگىن زەرتتەۋدە. بولاشاقتا ولاردىڭ ۇسىنىس-پىكىرلەرى باسشىلىققا الىنىپ, ەلىمىزدە كاسىپكەرلىكتى دامىتۋدىڭ ناقتى باعدارلامالارى جاسالاتىن بولادى.
ابىلاي مىرزاحمەتوۆ قويىلعان سۇراققا بايلانىستى كاسىپكەرلىك سۋبەكتىلەرىنىڭ پالاتاعا مۇشە بولۋى ءۇشىن تولەيتىن جارناسى تۋرالى باياندادى. ونىڭ ايتۋىنشا, جارنا تولەيتىن 22,5 مىڭ سۋبەكتى 2 توپقا بولىنەدى. ونىڭ ىشىندە 2300-ءىنىڭ جىلدىق قارجى اينالىمى 2,6 ميلليارد تەڭگەنى قۇرايتىن ءىرى كومپانيالار مەن قازبا بايلىقتارىن يگەرۋشىلەر بولىپ تابىلادى. ولار جىلىنا 8 ميلليون 148 مىڭ تەڭگە جارنا تولەيدى. ەكىنشى توپقا جىلدىق قارجى اينالىمى 107 ميلليون جانە ودان جوعارى بولاتىن كاسىپورىندار. بۇل توپقا شامامەن 20 مىڭ كاسىپورىن كىرەدى. ولار جىلىنا 267 مىڭ تەڭگە جارنا تولەيدى. ءبىزدىڭ ويىمىزشا, بۇل كاسىپورىندارعا ۇلكەن سالماق سالمايدى. ال شاعىن جانە ورتا كاسىپكەرلىكتىڭ باسقا سۋبەكتىلەرى جارنا تولەۋدەن مۇلدە بوساتىلادى, دەدى پالاتانىڭ باسقارما توراعاسى.
تيمۋر ق ۇلىباەۆ ءوزىنىڭ ءسوزىندە ەلباسىنىڭ بيىلعى جولداۋىندا كاسىپكەرلىكتى دامىتۋعا بايلانىستى قويىلعان مىندەتتەردى ايتا كەلىپ, شاعىن جانە ورتا بيزنەس ەلىمىزدى دامىتۋدىڭ 2050 جىلعا دەيىنگى ستراتەگيالىق دامۋىنىڭ باستى قوزعاۋشى كۇشى بولاتىندىعىن اتاپ كورسەتتى. بۇل رەتتە شاعىن جانە ورتا كاسىپكەرلىكتى دامىتۋ ماقساتىندا جاڭا باسىمدىقتارعا جول بەرىلمەك. ەڭ باستىسى, حالىقتى شاعىن جانە ورتا كاسىپكەرلىككە تارتۋ ءۇشىن اقپاراتتىق ناسيحاتتى ارتتىرۋ قاجەت. سونىمەن بىرگە, كاسىپكەرلىكپەن شۇعىلداناتىنداردى وقىتۋ ماسەلەسى دە كەڭىنەن جۇرگىزىلۋى قاجەت. اۋىلدىق جەرلەردە تۇرعىنداردى كاسىپكەرلىككە بارىنشا تارتۋ ماقساتىندا اۋدانداردا كاسىپكەرلەر ءۇيىن اشىپ, ءوزىنىڭ جەكە ءىسىن باستاۋعا نيەت بىلدىرگەندەرگە جان-جاقتى كومەك كورسەتۋ شارالارى ءىس جۇزىنە اسىرىلاتىن بولادى. ۇلتتىق كاسىپكەرلەر پالاتاسى الداعى ۋاقىتتا ەلىمىزدە كاسىپكەرلىكتى دامىتۋعا يگى ىقپال ەتەتىن زاڭداردى قابىلداۋ ماقساتىندا ۇكىمەتپەن جانە پارلامەنتپەن تىعىز بايلانىستا جۇمىس ىستەيتىن بولادى.
ءباسپاسوز ءماسليحاتىندا جۋرناليستەر تاراپىنان قويىلعان كوپتەگەن سۇراقتارعا ناقتى جاۋاپ قايتارىلدى. وسى رەتتە, ءبىزدىڭ تاراپىمىزدان گازەتىمىزدە جاريالانعان ماقالاعا وراي, بەلگىلى كاسىپكەر يسلامبەك سالجانوۆ وتكەن جىلى ءوزىنىڭ تۋعان ءوڭىرى اقتوبە وبلىسىنىڭ قوبدا اۋدانىندا جالپى قۇنى 460 ميلليون تەڭگە بولاتىن زاماناۋي بالالار باقشاسىن سالعاندىعى, وسى يگى باستامانىڭ باسقا دا ءىرى كاسىپكەرلەر مەن بيزنەسمەندەر اراسىندا جان-جاقتى قولداۋ تابۋى ءۇشىن ۇلتتىق كاسىپكەرلەر پالاتاسى قانداي شارالاردى جۇزەگە اسىرا الادى, دەگەن سۇراعىمىزعا ابىلاي مىرزاحمەتوۆ جان-جاقتى جاۋاپ بەردى. ول ءوز سوزىندە يسلامبەك سالجانوۆتىڭ پالاتانىڭ اقتوبە ءوڭىرى بويىنشا وكىلى بولىپ تابىلاتىندىعىن ايتا كەلىپ, ونىڭ باستاماسىن كاسىپكەرلەر اراسىندا كەڭىنەن قولداۋ ماقساتىندا قوزعالىس باستالعاندىعىن اتاپ كورسەتتى.
جىلقىباي جاعىپار ۇلى,
«ەگەمەن قازاقستان».
