بيزنەس وبەكتىلەرىندە كوروناۆيرۋستىق ينفەكتسيانىڭ تارالۋ قاۋپىن ازايتۋ ءۇشىن 2021 جىلعى 21 ساۋىردەن باستاپ اقمولا وبلىسىندا Ashyq پيلوتتىق جوباسى باستالدى.
كوكشەتاۋدىڭ باس مەملەكەتتىك سانيتارلىق دارىگەرى قانات ىسقاقوۆتىڭ ايتۋىنشا, وبلىس ورتالىعىندا 700-دەن استام كاسىپكەرلىك نىسانى بار.
«جوبا كوروناۆيرۋستىق ينفەكتسيامەن اۋىراتىن ناۋقاستاردى جانە ءۇي كارانتينى رەجيمىن بۇزعان ادامداردى انىقتاۋ ءۇشىن ءتيىمدى. بۇگىنگى تاڭدا Ashyq قوسىمشاسىنىڭ كومەگىمەن كوكشەتاۋدا ۇيدەن وقشاۋلاۋ رەجيمىن ساقتاماعان 673 ادامدى انىقتاۋعا مۇمكىندىك تۋدى, ونىڭ 533 «قىزىل» جانە 140 «سارى» مارتەبەسى بار», دەپ اتاپ ءوتتى ق.ىسقاقوۆ.
سانيتارلىق دارىگەردىڭ ايتۋىنشا, 2021 جىلدىڭ 10 ماۋسىمىنان باستاپ كۆي-مەن اۋىراتىن ناۋقاستار ءۇشىن وقشاۋلاۋ رەجيمىن بۇزعانى ءۇشىن اكىمشىلىك قۇقىق بۇزۋشىلىق تۋرالى كودەكستىڭ 425 بابىنىڭ 1-ءشى بولىگى بويىنشا اكىمشىلىك جازا كوزدەلگەن. وسى سانكتسياسى بويىنشا جەكە تۇلعالارعا 87510 تەڭگە (30 اەك) مولشەرىندە اكىمشىلىك ايىپپۇل قاراستىرىلعان.
223 ادامعا قاتىستى اكىمشىلىك ماتەريالدار تولتىرىلىپ, جالپى سوماسى 7 ملن 934 مىڭ 240 تەڭگە ايىپپۇل سالىندى.
