قالالىق پوليتسيا باسقارماسىنىڭ ءباسپاسوز قىزمەتى مالىمدەگەندەي, بيىل كامەلەت جاسىنا تولماعاندار اراسىندا سۋيتسيد جاساماق بولعاندار سانى ارتتى.
وتكەن جىلى وسىنداي 5 فاكتى تىركەلسە, وسى جىلى 16 بالا وزىنە قول سالعىسى كەلدى. ستاتيستيكا دەرەكتەرى كورسەتكەندەي, مۇنداي قادامعا كوپ جاعدايدا 13-16 جاس ارالىعىنداعى قىزدار بارماق بولعان.
«التى ءجاسوسپىرىم قولىن تىلسە, تاعى التاۋى ءدارى ىشكەن. ءۇش بالا اسىلىپ قالماق بولسا, بىرەۋى بيىكتەن سەكىردى. ابىروي بولعاندا, ولاردىڭ ءبارى امان قالدى. اتالعان فاكتىلەردىڭ ارقايسىسى بويىنشا قر قىلمىستىق كودەكسىنىڭ 105-بابىنا ء(وز وزىنە قول جۇمساۋعا يتەرمەلەۋ) سايكەس سوتقا دەيىنگى تەرگەۋ امالدارى قولعا الىنعان», دەدى پب باستىعىنىڭ ءبىرىنشى ورىنباسارى ورال رىسپاەۆ.
