مولچانوۆسكايا «قازاقستاننىڭ ەڭبەك نارىعى تۋرالى العاشقى ۇلتتىق باياندامانى» ۇسىنا وتىرىپ, 2025 جىلى حالىقتىڭ ورتاشا جىلدىق سانى شامامەن 20 ملن ادام دەڭگەيىندە بولجاناتىنىن, ياعني بەسەۋىنىڭ ءوسۋى 1 ملن ادامدى قۇرايتىنىن حابارلادى.
بۇل رەتتە, ونىڭ دەرەكتەرى بويىنشا وڭىرلىك ديسپروپورتسيا كۇشەيەدى: 2030 جىلعا قاراي حالىقتىڭ 59%-ى وڭتۇستىك وڭىرلەردە جانە نۇر-سۇلتان, الماتى جانە شىمكەنت قالالارىندا تۇراتىن بولادى.
«2025 جىلى جۇمىس كۇشىنىڭ سانى 9,4 ملن ادامعا دەيىن ارتادى. بيرجاداعى ەڭ ۇلكەن سۇرانىس بىلىكتىلىگى جوق جۇمىسشىلارعا - شامامەن 300 مىڭ بوس ورىنعا ساقتالادى. بۇل وسى ماماندىقتار بويىنشا كادرلاردىڭ جوعارى اۋىسۋىمەن سيپاتتالادى جانە جۇمىس بەرۋشىلەر ارقاشان وسىنداي مامانداردى ىزدەيدى. سونداي-اق قۇرىلىس جانە ونەركاسىپ سالاسىندا 180 مىڭعا جۋىق بوس جۇمىس ورنى جانە جوعارى بىلىكتى ماماندار بويىنشا 175 مىڭ بوس جۇمىس ورنى بولادى دەپ كۇتىلۋدە. قوستاناي, قاراعاندى وبلىستارىندا, سونداي-اق نۇر-سۇلتان مەن الماتىدا ۇلكەن سۇرانىس بولادى», دەپ مالىمدەدى سپيكەر.
ورتا مەرزىمدى پەرسپەكتيۆادا ونىڭ دەرەكتەرى بويىنشا جالدامالى ەڭبەككە دەگەن سۇرانىس ءبىلىم بەرۋ, اۋىل شارۋاشىلىعى جانە وڭدەۋ ونەركاسىبى سالاسىندا قالىپتاساتىن بولادى.
