قر ءبىلىم جانە عىلىم مينيسترلىگى ءتىل ساياساتى كوميتەتىنىڭ باستاماسىمەن وتكەن بايقاۋدىڭ ماقساتى - احمەت بايتۇرسىن ۇلىنىڭ عىلىمي-پەداگوگيكالىق مۇرالارىمەن ساباقتاستىقتى جالعاستىرا وتىرىپ, مەملەكەتتىك ءتىلدى ساپالى وقىتۋ ماقساتىن جۇزەگە اسىرىپ جۇرگەن ۇزدىك وقىتۋشىلاردىڭ جاڭاشىل ءادىس-تاسىلدەرىمەن تانىسۋ, وزىق تاجىريبەلەرىن تاراتۋ, قازاق ءتىلى وقىتۋشىلارىنىڭ كاسىبي بەدەلى مەن قوعامداعى مارتەبەسىن ارتتىرۋ.
«ۇلت ۇستازى احمەت بايتۇرسىن ۇلىنىڭ ءتىل ۇيرەتۋدەگى وشپەس مۇرالارىن جالعاستىرۋ - پارىزىمىز. ساپالى وقىتۋ دەگەنىمىز, سايىپ كەلگەندە, ۇلى عالىم يدەيالارى مەن ءتىل ۇيرەتۋدەگى ءادىس-تاسىلدەرىن ۇيلەسىمدى قولدانۋعا اكەپ سايادى. بۇل شارا وڭىرلەردە مەملەكەتتىك ءتىلدى وقىتۋمەن اينالىسىپ جۇرگەن ادىسكەر ماماندار مەن وقىتۋشىلاردىڭ ءوزارا تاجىريبە الماسىپ, ادىستەمەلىك بىلىكتىلىكتەرىن شىڭداپ, وزىق تاجىريبەلەردى كەڭىنەن تاراتۋدى كوزدەيدى», دەدى تىل ساياساتى كوميتەتىنىڭ باسقارما باسشىسى ايناگۇل كوكەنوۆا.
بايقاۋ ناتيجەسى بويىنشا ەلىمىزدىڭ 15 وڭىرىندەگى تىلدەردى وقىتۋ ورتالىقتارىنىڭ قاتىسۋشىلارى تومەندەگىدەي ناتيجەگە قول جەتكىزدى:
باس جۇلدەنى ءتىلدى ۇيرەتۋدە يننوۆاتسيالىق وزىق ءادىس-تاسىلدەردى قولدانۋ, ساباقتى ونلاين/وفلاين فورماتتا شەبەر جۇرگىزۋ, 5 دەڭگەي بويىنشا ءتىل ۇيرەتۋدىڭ قىر-سىرىن مەڭگەرگەن قاراعاندى وبلىسى ساران قالاسىنىڭ تىلدەردى دامىتۋ ورتالىعىنىڭ وقىتۋشىسى دينارا جۋپەنوۆا يەلەندى;
سوندا-اق بءىرىنشى ورىنعا الماتى وبلىسى ء«تىل» وقۋ-ادىستەمەلىك ورتالىعى پانفيلوۆ اۋداندىق فيليالىنىڭ مەڭگەرۋشىسى اسىلان قاليبەكوۆ;
ەكىنشى ورىنعا ءسولتۇستىك قازاقستان وبلىسى اكىمدىگىنىڭ مادەنيەت, تىلدەردى دامىتۋ جانە ارحيۆ ءىسى باسقارماسىنىڭ تىلدەردى وقىتۋ ورتالىعىنىڭ وقىتۋشىسى اسەل ماحمەتوۆا جانە قىزىلوردا وبلىسىنىڭ ىشكى ساياسات باسقارماسى تىلدەردى وقىتۋ ورتالىعىنىڭ وقىتۋشىسى بالاۋسا تورەباي لايىق دەپ تانىلدى.
ءۇشىنشى ورىندى شىعىس قازاقستان حالقىنىڭ تىلدەرى مەن مادەنيەتىن تۇلەتۋ مەكتەبىنىڭ مۇعالىمى توعجان ايتقازينا, شىمكەنت قالالىق تىلدەردى وقىتۋ-ادىستەمەلىك ورتالىعىنىڭ وقىتۋشىسى اقبايان اسىلبەكوۆا جانە جامبىل وبلىسى اكىمدىگىنىڭ تىلدەردى دامىتۋ باسقارماسى تىلدەردى وقىتۋ ورتالىعىنىڭ وقىتۋشىسى ايگۇل بوحشيەۆايەلەندى.
مەملەكەتتىك ءتىلدى وقىتۋ ادىستەمەسىن جەتىلدىرۋ باعىتىنداعى شارالار الداعى ۋاقىتتا دا جالعاسىن تابادى.
ايتا كەتۋ كەرەك, قازاق ءتىلىن وقىتۋ ادىستەمەسىن جەتىلدىرۋ باعىتىنداعى شارالار كەشەنى تۇراقتى جۇزەگە اسىرىلۋدا. ماسەلەن ءتىل ساياساتى كوميتەتىنىڭ تاپسىرىسىمەن شىققان «Tilqural.kz», «Tilmedia.kz», «Balatili.kz», «اءۆاى.institute» پورتالدارىنان وزگە, جامبىل وبلىسى تىلدەردى دامىتۋ باسقارماسى ازىرلەگەن «Qazonline» ءموبيلدى قوسىمشاسى, پاۆلودار وبلىسىنىڭ «انا ءتىلى» ورتالىعى ازىرلەگەن «Ana tili» ءموبيلدى قوسىمشالارى قازاق ءتىلىن ۇيرەنۋگە تالپىنىپ جۇرگەن ازاماتتاردىڭ جوعارى سۇرانىسىنا يە.
