ۋكراينا پرەزيدەنتى ۆيكتور يانۋكوۆيچ ەڭبەككە جارامسىزدىق تۋرالى پاراقشا الدى. بۇل تۋرالى يتار-تاسس حابارلادى.
«قىزۋى كوتەرىلىپ, تىنىس الۋ مۇشەسىنىڭ زاقىمدانۋىنا بايلانىستى پرەزيدەنتكە ەڭبەككە جارامسىزدىق تۋرالى پاراقشا اشىلدى», – دەپ مالىمدەدى مەديتسينالىق سۇراقتار بويىنشا مەملەكەتتىك باسقارما باسشىسىنىڭ ورىنباسارى الەكساندر وردا.
بۇدان بۇرىن ۆيكتور يانۋكوۆيچ جوعارعى رادادا وتكەن ايماقتىق پارتيالار فراكتسياسى وتىرىسىنا قاتىسقان بولاتىن. بۇل جيىندا دەپۋتاتتار اكتسياعا قاتىسقاندارعا راقىمشىلىق جاريالاۋ تۋرالى زاڭدى قاراستىردى.
ايماقتىق پارتيانىڭ, كومپارتيانىڭ جانە فراكتسيادان تىس دەپۋتاتتاردىڭ قولداۋىمەن ايماقتىق پارتيا فراكتسياسىنىڭ دەپۋتاتى يۋري ميروشنيچەنكو ۇسىنعان زاڭ قابىلداندى.
ايدار ورىسباەۆ.
دەرەككوز: Itar-tass.com
فوتو: Directpress.ru
