بالاسىنا بەرەشەگى 10 مىڭ اەك-تەن اسىپ كەتكەن اليمەنت تولەۋشىلەر 7 جىلعا باس بوستاندىعىنان ايىرىلادى. بۇل تۋرالى Gazeta.kz حابارلادى.
ادىلەت مينيسترلىگى سوت اكتىلەرىن ورىنداۋ كوميتەتىنىڭ باس ساراپشىسى ءمادينا مۇقاشەۆانىڭ اتاپ وتكەنىندەي, «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2014 جىلعى 15 قاڭتارىنداعى زاڭىنا وراي, اتقارۋشىلىق ءىس جۇرگىزۋ سالاسىن رەتتەيتىن زاڭنامانى جەتىلدىرۋگە, سوت ورىنداۋشىلارىنىڭ جۇمىس تيىمدىلىگىن جوعارىلاتۋدا ولاردىڭ وكىلەتتىگىن كەڭەيتۋگە, سىبايلاس جەمقورلىق كورىنىستەرىنە ىقپال جاسايتىن نورمالاردى الىپ تاستاۋ مەن زاڭدى كۇشىنە ەنگەن سوت اكتىلەرىنىڭ مەيلىنشە كوپ ورىندالۋىنا مۇمكىندىك جاسالدى.
جالپى, قۇجاتقا ەنگىزىلگەن نەگىزگى وزگەرىستەردە مىناداي ماسەلە قامتىلعان. قىلمىستىق كودەكستىڭ 136-بابى (اليمەنت تولەۋدە مىندەتتى ورىنداماۋ) بويىنشا جانە قىلمىستىق كودەكستەگى 362-باپتىڭ 1-ءبولىمى (سوت ۇكىمىن, شەشىمىن جانە اتقارۋشىلىق قۇجاتتى ورىنداماۋ) بويىنشا 2 جىلدان 3 جىلعا دەيىن مەرزىمگە, سايكەسىنشە قىلمىستىق كودەكس 362-بابىنىڭ 3-ءبولىمى (بەرەشەك سوماسى 10000 اەك جوعارى بولسا) بويىنشا 7 جىلعا باس بوستاندىعىنان ايىرۋ جازاسى ەنگىزىلدى.
ءامىرحان الماعانبەتوۆ.
دەرەككوز: Gazeta.kz.
فوتو: News. nur. kz.
