جىل باسىنان بەرى جەمقورلىق فاكتىسىمەن انىقتالعانداردىڭ ۇشتەن ءبىرى - جەرگىلىكتى اتقارۋشى ورگاندارعا جانە ولارعا باعىنىستى مەكەمەلەرگە تيەسىلى. ونىڭ 11-ءى ءبىلىم بەرۋ سالاسىندا ەكەن.
ولاردىڭ اراسىندا قاپشاعاي قالاسى ءبىلىم بەرۋ ءبولىمىنىڭ باسشىسى ءوزىنىڭ قىزمەتتىك جاعدايىن پايدالانا وتىرىپ, الدىن الا ءسوز بايلاسۋ ارقىلى جۇيەلى نەگىزدە جەكە كاسىپكەرلەردىڭ ەسەپ شوتىنا ولارمەن قىزمەت كورسەتۋگە جانە ورتا مەكتەپتەردە جۇمىس كولەمدەرىن ناقتى ورىنداۋعا شارتتار جاساسپاي, جالپى سوماسى 1 ملن تەڭگەدەن استام بيۋدجەتتىك اقشا قاراجاتىن زاڭسىز اۋدارعانى جانە جۇيەلى تۇردە پارا العانى ءۇشىن, 2 جىل مەرزىمگە باس بوستاندىعىنان شەكتەلدى.
سونىمەن قاتار, كوكسۋ اۋدانىنىڭ ءبىلىم بەرۋ ءبولىمىنىڭ باسشىسى ءبىلىم بەرۋ مەكەمەلەرىنە 9 دەزينفەكتسيالاۋ توننەلىن جەتكىزۋ جانە ورناتۋ بويىنشا مەملەكەتتىك ساتىپ الۋ تۋرالى شارت بويىنشا ورىندالعان جۇمىستاردىڭ اكتىلەرىنە قول قويعانى جانە جشس ديرەكتورىنان 150 000 تەڭگە سوماسىندا پارا العانى ءۇشىن, جالپى, 4,5 ملن تەڭگە كولەمىندە ايىپپۇل سالىندى.
ج.جۇماباەۆتىڭ ايتۋىنشا, وبلىستا بيىل 8 ايدا 69 ادام جەمقورلىق فاكتىسى بويىنشا سوتتالدى, ونىڭ ىشىندە 64 ادام 116,9 ملن تەڭگەدەن استام سوماعا ايىپپۇلعا, 2 ادام باس بوستاندىعىن شەكتەۋگە, 3 ادام باس بوستاندىعىنان ايىرۋعا, مۇلكى تاركىلەنىپ جانە مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى.
