باتىس قازاقستان وبلىسىنىڭ ورال قالاسىندا ىشكى ىستەر ورگانىنىڭ ءۇش قىزمەتكەرى پارا الدى دەگەن كۇدىكپەن قارجى پوليتسەيلەرىنىڭ قولىنا ءتۇستى. بۇل تۋرالى «قازاقستان» تەلەارناسى حابارلادى.
پوليتسيا ءبولىمىنىڭ ەكى كىشى جەدەل وكىلەتتى قىزمەتكەرى مەن ۋچاسكەلىك ينسپەكتوردىڭ كومەكشىسى بانك مەنەدجەرىنىڭ زاڭسىز نەسيە بەرگەنىن انىقتاپتى. ولار وسى كەلەڭسىزدىكتى تىركەمەي, بانك قىزمەتكەرىن قىلمىستىق جاۋاپكەرشىلىكتەن قۇتقارىپ جىبەرۋ ءۇشىن 1 ملن. تەڭگە تالاپ ەتكەن. ال بانك قىزمەتكەرى ولاردىڭ بۇل ارەكەتىن قارجى پوليتسياسىنا مالىمدەپ, باستاپقىدا اقشا بوپسالاۋشىلارعا 700 مىڭ تەڭگە بەرەدى. كەيىن بەلگى سالىنعان 300 مىڭ تەڭگەنى ءتارتىپ ساقشىلارى الۋ ساتىندە قارجى پوليتسياسى قىزمەتكەرلەرىنىڭ قولىنا تۇسكەن.
«وسى فاكتى بويىنشا قىلمىستىق كودەكستىڭ 311-بابىنىڭ 4-بولىگىمەن قىلمىستىق ءىس قوزعالدى. ورال قالالىق سوتىنىڭ قاۋلىسىمەن قىلمىستىق پوليتسيا ءبولىمىنىڭ ەكى قىزمەتكەرى 2 ايعا قاماۋعا الىندى. تاعى ءبىر پوليتسيا قىزمەتكەرىنە ءۇي جاعدايىندا قاماۋدا وتىرۋىنا شەشىم شىقتى», - دەيدى وبلىستىق سوتتىڭ ءباسپاسوز حاتشىسى ايجان جۇماجانقىزى.
ءامىرحان الماعانبەتوۆ.
دەرەككوز: «قازاقستان» تەلەارناسى, «24 kz».
فوتو: «24 kz».
