ءتورت جىلعا جۋىق ۋاقىتقا سوزىلعان ۇلى وتان سوعىسىنىڭ تاعدىرىن تۇبەگەيلى ايقىنداعان, وتانداستارىمىزدىڭ بويىندا ەڭ العاش رەت ۇلى جەڭىسكە دەگەن سەنىمدى ورنىقتىرعان كەزەڭ – كۋرسك يىنىندەگى سوزبەن ايتىپ جەتكىزگىسىز قيان-كەسكى شايقاس بولىپ تابىلادى. بيىلعى قاڭتار ايىندا ەكىنشى دۇنيەجۇزىلىك سوعىس بارىسىنا كۇرت بەتبۇرىس اكەلگەن وسى تاريحي شايقاسقا جەتپىس جىل تولىپ وتىر. اتالعان قاستەرلى داتاعا وراي ورال قالاسىندا باتىس قازاقستان وبلىستىق ارداگەرلەر كەڭەسىنىڭ باستاماسى بويىنشا كۋرسك شايقاسىنا قاتىسقان مايدانگەرلەردىڭ كەزدەسۋى وتكىزىلدى.
ءتورت جىلعا جۋىق ۋاقىتقا سوزىلعان ۇلى وتان سوعىسىنىڭ تاعدىرىن تۇبەگەيلى ايقىنداعان, وتانداستارىمىزدىڭ بويىندا ەڭ العاش رەت ۇلى جەڭىسكە دەگەن سەنىمدى ورنىقتىرعان كەزەڭ – كۋرسك يىنىندەگى سوزبەن ايتىپ جەتكىزگىسىز قيان-كەسكى شايقاس بولىپ تابىلادى. بيىلعى قاڭتار ايىندا ەكىنشى دۇنيەجۇزىلىك سوعىس بارىسىنا كۇرت بەتبۇرىس اكەلگەن وسى تاريحي شايقاسقا جەتپىس جىل تولىپ وتىر. اتالعان قاستەرلى داتاعا وراي ورال قالاسىندا باتىس قازاقستان وبلىستىق ارداگەرلەر كەڭەسىنىڭ باستاماسى بويىنشا كۋرسك شايقاسىنا قاتىسقان مايدانگەرلەردىڭ كەزدەسۋى وتكىزىلدى.
وسى كەزدەسۋدە كۋرسكىدەگى سۇراپىل ۇرىستارعا قاتىسىپ ەرلىك كورسەتكەن 21 باتىسقازاقستاندىق مايدانگەر «كۋرسك يىنىندەگى جەڭىسكە – 70 جىل» ەسكەرتكىش مەدالىمەن ماراپاتتالعانى جونىندەگى دەرەك العا تارتىلدى. سونىڭ ىشىندە ليديا گۋبانوۆا, پاۆەل بۋكاتكين جانە نيكولاي كوتەلنيكوۆ سەكىلدى كۋرسك شايقاسىنىڭ قاھارمان ساربازدارىنا اتالعان ناگرادا كەزدەسۋ كەزىندە تابىس ەتىلدى. وسى ورايدا, ەسكەرتكىش مەدال كۋرسك وبلىسىنىڭ گۋبەرناتورى الەكساندر ميحايلوۆتىڭ اتىنان كەلگەنىن ايتا كەتكەن ءجون.
وسىنداي مەرەيلى ساتتەن كەيىن ءجۇزى ريزاشىلىق پەن قۋانىشتان نۇرلانىپ تۇرعان سوعىس ارداگەرى نيكولاي كوتەلنيكوۆ ءوز ىقىلاسى مەن سەزىمىن بىلايشا جەتكىزدى:
– سوعىس باستالىپتى دەگەن توبەدەن جاي تۇسىرگەندەي حاباردى ەستىگەندە ءبىز مەكتەپتى اياقتاپ, بال كەشىن وتكىزىپ جاتىر ەدىك. ول كەزدە ون جەتىدە عانامىز. كامەلەتكە كەلمەگەن كەزىمىز. بال كەشىن كۇرت توقتاتتىق تا, سىنىپتاعى 32 تۇلەك تۇگەلدەي اسكەري كوميسسارياتتان ءبىر-اق شىعىپ, مايدانعا الۋ جونىندە ءوتىنىش جازدىق. تىلەگىمىز قابىلداندى. كوپ كەشىكپەي ەكى ايلىق بارلاۋ مەكتەبىنە وقۋعا كىردىك. ونى اياقتاعان سوڭ ءبىزدى زاپوروجەدەگى ورەحوۆو قالاسىنا جىبەردى. ودان ءارى 226-شى ديۆيزيا قۇرامىندا ۇرىسقا كىردىك. سوعىستىڭ اتى – سوعىس. ول ەشكىمدى ماڭدايىنان سيپامايدى. قيان-كەسكى جورىقتار بارىسىندا كوپتەگەن قارۋلاستارىمىزدى جوعالتتىق. كۋرسك يىنىندە دە سولاي بولدى. ءبىز بۇگىندە ولاردىڭ وشپەس رۋحىنا باس يەمىز.
تەمىر قۇسايىن,
«ەگەمەن قازاقستان».
ورال.
