ۆەدومستۆو تاراتقان اقپاراتقا سايكەس, قازىر نۇر-Cۇلتان – پاۆلودار, شىمكەنت – وزبەكستان شەكاراسى (تاشكەنتتە), ششۋچينسك – كوكشەتاۋ ۋچاسكەلەرى اقىلى جولداردىڭ قاتارىنا قوسىلۋعا دايىن.
بۇل ۋچاسكەلەر بارلىق قاجەتتى قۇرالمەن جابدىقتالعان. ال قاپشاعاي – تالدىقورعان, شىمكەنت – تاراز, تاراز – قاينار, شىمكەنت – قىزىلوردا ۋچاسكەسىن پايدالانۋعا بەرۋ تۋرالى بۇيرىقتىڭ جوباسى مەملەكەتتىك ورگاندارعا كەلىسىم بەرۋى ءۇشىن جولدانعان.
بۇل 1 ساناتتاعى جول ۋچاسكەلەرىندە اقىلى جولدى ەنگىزۋ 2021 جىلدىڭ 1 قازانىنان تەست رەجيمىندە, 2021 جىلدىڭ 1 قاراشاسىنان باستاپ ناقتى پايدالانۋعا بەرىلەدى.
«اقىلى ۋچاسكەلەر بويىنشا ءجۇرىپ ءوتۋ ءۇشىن تولەماقى مولشەرى 2013 جىلى نۇر-سۇلتان – ششۋچينسك ءبىرىنشى اقىلى ۋچاسكە ەنگىزىلگەننەن بەرى وزگەرگەن جوق جانە ول سول قالپىندا قالادى.
ءىى ساناتتاعى جول قوزعالىسى ءۇشىن تولەماقى ءتاريفىن تومەندەتۋ جوسپاردا بار», دەپ جازىلعان حابارلامادا.
