كورشىلەردىڭ دابىلىمەن ءورت سوندىرۋگە № 13 ءورت ءسوندىرۋ ءبولىمى گارنيزونىنىڭ ءورت ءسوندىرۋشى قاراۋىلى بىرنەشە مينۋتتان كەيىن جەتكەنىمەن, ءورتتى بىردەن قۇرىقتاۋعا شامالارى كەلمەدى. ءورتتىڭ وشاعى گازبەن جىلىتىلاتىن مونشا ەكەن, ەندى جالىن جاقىن ورنالاسقان ءۇي مەن شارۋاشىلىق قۇرىلىستارىنا «اۋىز سالا» باستاعان. جالىن تۇرعىن ءۇيدى شارپىسا ءبىر ءۇيلى جان دالادا قالماق. بىراق جانكەشتىلىكپەن ارەكەت جاساعان ءورت سوندىرۋشىلەر وتتىڭ ودان ءارى تارالۋىنا جول بەرمەدى. ءتىلسىز جاۋمەن جانتالاسا ارپالىسقان ولار بىرەر ساعاتتىڭ ىشىندە وتتى تولىق اۋىزدىقتاپ, ءۇي يەلەرىنىڭ العىسىن الدى.
كەيىن ءۇي يەسى ا.نۇرعاليەۆ ءورت سوندىرۋشىلەرگە عانا ەمەس وبلىستىق تج دەپارتامەنتىنىڭ باستىعى, پولكوۆنيك راميل كامالوۆتىڭ اتىنا دا حات جولداپ, ريزاشىلىعىن ءبىلدىرىپتى. وندا ورتكە قارسى قىزمەت قىزمەتكەرلەرىنە وسى ءورتتى جويۋ كەزىندە كورسەتكەن كاسىبيلىگى مەن جەدەلدىگى ءۇشىن ۇلكەن العىسىن ءبىلدىرىپتى. ء«سىزدىڭ قىزمەتكەرلەرىڭىز ەرەن ەرلىك كورسەتىپ, ءتىلسىز جاۋعا توتەپ بەرىپ, جارتى ساعات ىشىندە وتتى ءسوندىرىپ, ءوز ىستەرىنە شەبەر ەكەندىكتەرىن كورسەتتى. وسى اۋىسىمدا جۇمىس ىستەگەن ازاماتتارعا: قاراۋىل باستىعى, ازاماتتىق قورعاۋ اعا لەيتەنانتى نۇرجان جاسۇلان مەن سەرجانتتار ايبەك ايدابوسىنوۆقا, ەرنار شارىپوۆكە, ەربول ەسجانوۆقا جانە ءورت ءسوندىرۋ اۆتوكولىگىنىڭ جۇرگىزۋشىسى جامبىل جاماليەۆكە وتە ريزامىن. ولار ءورتتى ءسوندىرىپ قانا قويماي, زارداپ شەككەن ءبىزدىڭ وتباسىمىزعا جاناشىرلىق كورسەتتى», دەلىنگەن حاتتا.
ء«ورت ءسوندىرۋشىنىڭ جۇمىسى قيىن ءارى قاۋىپتى, ءورت سوندىرۋشىلەر ماتەريالدىق جانە مادەني قۇندىلىقتاردى قورعاپ, ادامداردىڭ ءومىرىن قۇتقارىپ, ازاماتتاردىڭ بەيبىت تىنىشتىعىن قامتاماسىز ەتە وتىرىپ, وزدەرىنىڭ دەنساۋلىعى مەن ومىرىنە قاۋىپ توندىرەدى. ال كەز كەلگەن ۋاقىتتا العان العىس سوزدەر وسى باتىل ماماندىقتىڭ ءار وكىلىنە وتە قىمبات», دەيدى سولتۇستىك قازاقستان وبلىستىق تجد قوعاممەن بايلانىس توبىنىڭ باس مامانى ەۆگەني جۋراۆلەۆ.
ءاربىر قىزمەتكەردىڭ ءوز ىسىنە جاۋاپكەرشىلىكپەن قاراپ, حالىقتان العىس العانىنا نە جەتسىن.
سولتۇستىك قازاقستان وبلىسى,
قىزىلجار اۋدانى
