فيليپپيندە اسكەريلەر مەن لاڭكەستەر اراسىندا ورىن العان قاقتىعىستان 40-قا جۋىق ادام قازا تاپتى. بۇل تۋرالى 24.kz حابارلادى.
ءفيليپپيننىڭ ماگينداناو پروۆينتسياسىندا ەلدىڭ قارۋلى كۇشتەرىنىڭ جۇرگىزىپ جاتقان ارنايى وپەراتسياسى كەزىندە قارۋلى قاقتىعىس باستالعان. 2 كۇن ىشىندە اسكەريلەر سودىرلار جاسىرىنعان 3 لاگەرگە شابۋىل جاساپ, 37 لاڭكەستىڭ كوزىن جويدى. وپەراتسيا بارىسىندا 1 سارباز قازا تاۋىپ, 7-ەۋى جاراقات العان.
قارۋلى كۇش وكىلىنىڭ ايتۋىنشا, ولار ەكسترەميستتەرگە قارسى ۇرىس جۇرگىزىپ جاتىر. پولكوۆنيك ەرموسو ب ۇلىكتى لاڭكەستەر شىعارعاندىعىن العا تارتتى. ولار اسكەري بازالاردىڭ بىرىنە شابۋىل جاساپ, توتەنشە جاعداي تۋعىزعان ەكەن. وسىعان بايلانىستى ەلدىڭ قارۋلى كۇشتەرى ارنايى وپەراتسيانى باستاپ كەتتى. بۇل ماڭايداعى 10 مىڭ ادام باسپاناسىن تاستاپ, قاۋىپسىز جەرگە كوشۋگە ءماجبۇر بولدى.
دەرەكتەرگە سۇيەنسەك, فيليپپيندە 40 جىلدان بەرى جالعاسىپ كەلە جاتقان قاقتىعىستاردان 150 مىڭ ادام قازا بولعان.
ايدار ورىسباەۆ.
دەرەككوز: 24.kz
فوتو: Reuters.com
