بىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى جىل باسىنان بەرى زەينەتاقى جيناقتارىن الۋ قارقىنىنىڭ تومەندەۋى اياسىندا 52 ملرد تەڭگەگە نەمەسە 0,4%-كە ۇلعايىپ, بيىلعى تامىزدىڭ سوڭىندا 12,9 ترلن تەڭگەنى قۇرادى. مىسالى, قاراجاتتى اي سايىنعى الۋ كولەمى اقپان ايىنداعى 643 ملرد تەڭگەدەن تامىز ايىندا 118 ملرد تەڭگەگە دەيىن نەمەسە 5,5 ەسە باياۋلادى.
«سالىمشىلاردىڭ زەينەتاقى جيناقتارىن مەرزىمىنەن بۇرىن الۋ بويىنشا ورىندالعان وتىنىشتەرىنىڭ سانى 1,8 ترلن تەڭگە سوماسىنا 449,3 مىڭ بولدى, ونىڭ ىشىندە تۇرعىن ءۇي ماسەلەلەرىن شەشۋگە – 1 765 ملرد تەڭگە نەمەسە 97,9%», دەدى قارجى رەتتەۋشىسىنىڭ باسشىسى.
