1. قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى مەملەكەتتىك ءتىلدىڭ قولدانىلۋ اياسىن كەڭەيتۋ, ءتىل مادەنيەتىن كوتەرۋ, كوركەم ادەبيەتتى ناسيحاتتاۋدى جانداندىرۋ, حالىق اراسىنان تالاپتى, تالانتتى جاستاردى ىزدەپ تابۋ ماقساتىندا كوركەمسوز وقۋ شەبەرلەرىنىڭ ورالحان بوكەي اتىنداعى ءحVى رەسپۋبليكالىق بايقاۋىن وتكىزەدى.
1. قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى مەملەكەتتىك ءتىلدىڭ قولدانىلۋ اياسىن كەڭەيتۋ, ءتىل مادەنيەتىن كوتەرۋ, كوركەم ادەبيەتتى ناسيحاتتاۋدى جانداندىرۋ, حالىق اراسىنان تالاپتى, تالانتتى جاستاردى ىزدەپ تابۋ ماقساتىندا كوركەمسوز وقۋ شەبەرلەرىنىڭ ورالحان بوكەي اتىنداعى ءحVى رەسپۋبليكالىق بايقاۋىن وتكىزەدى.
2. بايقاۋ 2 كەزەڭنەن تۇرادى:
وبلىستىق (قالالىق) ىرىكتەۋ بايقاۋلارى ءساۋىر-تامىز ايلارىندا وبلىس ورتالىقتارىندا جانە استانا, الماتى قالالارىندا;
رەسپۋبليكالىق بايقاۋ قازاقستان رەسپۋبليكاسى حالقىنىڭ ءتىل فەستيۆالى اياسىندا قىركۇيەك ايىندا وتەدى.
3. بايقاۋعا 16-20 جاس ارالىعىنداعى تالاپكەرلەر قاتىسا الادى.
4. كاسىبي ونەر سالاسىنىڭ ماماندارى, وسى سالاداعى وقۋ ورىندارىنىڭ ستۋدەنتتەرى مەن وقىتۋشىلارى, سونداي-اق, مەكتەپ مۇعالىمدەرى بايقاۋعا جىبەرىلمەيدى.
5. بايقاۋ مىناداي تاپسىرمالاردان تۇرادى:
- پروزالىق شىعارمادان ءۇزىندى وقۋ;
- درامالىق شىعارمادان ءۇزىندى وقۋ;
- مانەرلەپ ولەڭ وقۋ.
سونداي-اق, بايقاۋدا ورالحان بوكەيدىڭ جانە باسقا دا قازاقتىڭ بەلگىلى اقىن-جازۋشىلارىنىڭ كەز كەلگەن كوركەم جانە درامالىق شىعارمالارىنان, ولەڭدەرىنەن ءۇزىندى وقۋعا بولادى.
6. بايقاۋ شارتتارى:
وقىلاتىن ءماتىن كولەمى 2-3 مينۋتتان اسپاۋى كەرەك;
دايىن فونوگراممالاردى پايدالانۋعا تىيىم سالىنادى;
بەلگىسىز اۆتورلاردىڭ كوركەمدىگى تومەن شىعارمالارىنان ءۇزىندى وقۋعا بولمايدى;
تالاپكەر ساراپقا ۇسىنۋعا تاڭداپ الىنعان ماتىندەردى جاتقا بىلۋلەرى قاجەت.
7. رەسپۋبليكالىق بايقاۋعا وبلىستاردا, استانا جانە الماتى قالالارىندا وتكەن بايقاۋلاردىڭ جەڭىمپازدارى ء(بىر-بىردەن) قاتىستىرىلادى. ولارعا جەرگىلىكتى ءتىل باسقارمالارى جولداما بەرەدى.
8. رەسپۋبليكالىق بايقاۋدىڭ ساراپشىلارى ۇمىتكەرلەر ونەرىن باعالاۋ كەزىندە ولاردىڭ:
كوركەم ءماتىندى وقۋ شەبەرلىگىنە;
داۋىس مانەرىنە جانە ءتىل تازالىعىنا;
كوركەم ءماتىندى تاڭداۋ تالعامىنا;
ساحنادا ءوزىن-ءوزى ۇستاۋىنا;
ساحنالىق كيىم سانىنە باسا نازار اۋدارادى.
9. بايقاۋ جەڭىمپازدارى ءتىل كوميتەتىنىڭ باعالى سىيلىقتارىمەن جانە ديپلومدارمەن ماراپاتتالادى.
انىقتاما ءۇشىن: 01000, استانا قالاسى, «مينيسترلىكتەر ءۇيى» اكىمشىلىك عيماراتى, 15 كىرەبەرىس, قازاقستان رەسپۋبليكاسى مادەنيەت جانە اقپارات مينيسترلىگىنىڭ ءتىل كوميتەتى, كوركەمسوز وقۋ شەبەرلەرىنىڭ ورالحان بوكەي اتىنداعى ءحVى رەسپۋبليكالىق بايقاۋىنا.
بايلانىس تەلەفونى: 8 (7172) 74-05-01.
ەسكەرتۋ: بۇرىنعى رەسپۋبليكالىق بايقاۋلاردىڭ جەڭىمپازدارى مەن قاتىسۋشىلارى بيىل وتكىزىلەتىن بايقاۋلارعا جىبەرىلمەيدى.
