وڭىرلىك دامۋ ءمينيسترى بولات جامىشەۆ اقتوبە قالاسىندا وڭىرلەردە يندۋستريالىق ايماقتاردى دامىتۋ ماسەلەلەرى جونىندە سەلەكتورلىق كەڭەس وتكىزدى.
وڭىرلىك دامۋ ءمينيسترى بولات جامىشەۆ اقتوبە قالاسىندا وڭىرلەردە يندۋستريالىق ايماقتاردى دامىتۋ ماسەلەلەرى جونىندە سەلەكتورلىق كەڭەس وتكىزدى.
كەڭەس جۇمىسىنا وبلىستار, استانا جانە الماتى قالالارى اكىمدەرىنىڭ ورىنباسارلارى, كاسىپكەرلىك جانە ونەركاسىپ باسقارمالارى, قۇرىلىس باسقارمالارى, وبلىستاردىڭ يندۋستريالىق-يننوۆاتسيالىق دامىتۋ ونەركاسىپتەرىنىڭ باسقارما باسشىلارى, وبلىستاردىڭ الەۋمەتتىك-كاسىپكەرلىك كورپوراتسيالارى باسقارمالارىنىڭ توراعالارى جانە باسقالار قاتىستى.
وڭىرلىك دامۋ ءمينيسترى كەڭەس جۇمىسىن اشا كەلە بۇگىنگى تاڭدا شىنايى ءوندىرىستى مەملەكەتتىك ىنتالاندىرۋدىڭ پەرسپەكتيۆالىق قۇرالدارىنىڭ ءبىرى يندۋستريالىق ايماقتاردى (يا) قۇرۋ بولىپ تابىلاتىنىن اتاپ ءوتتى. «جالپى, ءبىزدىڭ ەلدە يندۋستريالىق ايماقتاردى شاعىن جانە ورتا بيزنەستى دامىتۋعا جاردەمدەسۋ قاعيداسى جانە ءوڭىرلەردە جۇمىس ورىندارىن قۇرۋدى ارتتىرۋ بويىنشا قۇرۋ قاجەت», دەدى بولات جامىشەۆ.
بولات جامىشەۆ كەڭەسكە قاتىسۋشىلاردىڭ ەرەكشە نازارىن «بيزنەستىڭ جول كارتاسى-2020» باعدارلاماسىنىڭ 4 پاكەتى شەڭبەرىندە 2013 جىلعى جەلتوقساندا يندۋستريالىق ايماقتاردىڭ جۇمىس ىستەۋى بويىنشا بىرىڭعاي جۇيەلى ساياسات قۇرۋ بولىگىنە ەنگىزىلگەن وزگەرتۋلەر مەن تولىقتىرۋلارعا اۋداردى. سونىمەن, قانداي دا ءبىر يندۋستريالىق ايماق قۇرۋ ءوڭىردىڭ وڭىرلىك جالپى ءونىمىنىڭ, شاعىن جانە ورتا بيزنەستىڭ قولدانىستاعى بەلسەندى سۋبەكتىلەرىنىڭ, قۇرىلعان تۇراقتى جانە ۋاقىتشا جۇمىس ورىندارى سانىنىڭ, ونەركاسىپ سالاسىنىڭ فيزيكالىق كولەمىنىڭ يندەكسى (فكي) جانە ت.ب. وسۋىنە ىقپال ەتەتىن بولادى. يندۋستريالىق ايماقتار اۋماعىندا ۇقساس نەمەسە بىردەي سالالارداعى كاسىپورىنداردان ونەركاسىپتىك كلاستەرلەر قۇرالۋى مۇمكىن.
سونىمەن قاتار, كەڭەس بارىسىندا يندۋستريالىق ايماقتاردى باسقارۋ رەسىمدەرى, ىسكە اسىرۋعا ارنالعان جوبالاردى جانە قۇرىلاتىن كاسىپورىنداردى ورنالاستىرۋ شارتتارىن ىرىكتەۋ, ەلىمىزدىڭ اۋماعىندا قازاقستان-تۇرىك يندۋستريالىق ايماقتارىن قۇرۋ ءجونىندەگى ماسەلەلەر تالقىلاندى.
«ەگەمەن-اقپارات».
