شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ۇلان اۋدانىنداعى وتباسىلىق-دارىگەرلىك امبۋلاتوريانىڭ مەديتسينا قىزمەتكەرى اقشا تابۋ ءۇشىن زاڭسىز قادامعا بارعان.
بەلگىلى بولعانداي, ول تۇرعىندارعا ەكپە سالدىرماي ۆاكتسينا پاسپورتىن جاساپ وتىردى. اۋەلى كليەنت تاپقان دارىگەر ۆاكتسينانى توگىپ تاستاپ, سودان كەيىن بازاعا جالعان اقپارات ەنگىزگەن. قازىرگى ۋاقىتتا پوليتسيا قىزمەتكەرلەرى اق حالاتتىنى قولعا ءتۇسىردى.
«مەديتسينا قىزمەتكەرىنە قاتىستى قر قىلمىستىق كودەكسىنىڭ 385-بابىنا سايكەس سوتقا دەيىنگى تەرگەۋ امالدارى جۇرگىزىلۋدە. ءتارتىپ ساقشىلارى جالعان ۆاكتسينا پاسپورتىن جاساۋمەن اينالىساتىنداردىڭ جولىن كەسۋ ءۇشىن جان-جاقتى مونيتورينگ جۇرگىزۋدە», دەدى وبلىستىق پد باستىعىنىڭ ورىنباسارى تالعات شاياحمەتوۆ.
