مينيستر الدىمەن قازاقستاندىقتاردى ايتۋلى مەرەكەمەن قۇتتىقتادى. «سىزدەردى 12 قىركۇيەك – قازاق كينوسى كۇنىمەن شىن جۇرەكتەن قۇتتىقتايمىن! كينو – مادەنيەت پەن ونەردىڭ كوش باسىندا تۇرعان, اۋديتورياسى تورتكۇل دۇنيەنى تورىنە وتىرعىزعان اۋقىمدى سالا. عۇمىرى عاسىرمەن ولشەنەتىن قازاق كينەماتوگرافياسى العاشقى قارلىعاشى «امانگەلدىدەن» باستاپ وسى كۇنگە شەيىن كورەرمەنگە ءتۇرلى تۋىندىلار تارتۋ ەتىپ كەلەدى. ءار كينونىڭ ۋاقىت كەڭىستىگىندەگى الار ورنىن ايقىندايتىن, بىلايشا ايتقاندا تاعدىرىن شەشەتىن قۇدىرەت – ول قالىڭ كورەرمەن ەكەنى ءسوزسىز. ءبىزدىڭ ەلىمىزدە بۇگىنگى كينو تالابىنا جاۋاپ بەرە الاتىن, كوپشىلىكتىڭ تالعام ۇدەسىنەن شىققان فيلمدەر قاتارى جىل وتكەن سايىن ارتىپ كەلە جاتقانى قۋانتادى», دەپ جازدى ا. رايىمقۇلوۆا Facebook پاراقشاسىندا.
ونىڭ ايتۋىنشا, بۇگىندە وتاندىق كينودا جاس ماماندار شوعىرى قالىپتاستى. «شىنايى وقيعا جەلىسىمەن تۇسىرىلگەن, بابالار دانالىعىن دارىپتەگەن, اتالار اماناتىن ارقالاعان تاريحي تۋىندىلارمەن قاتار كوزى قاراقتى əر ادامدى نەمقۇرايدى, جايباقارات قالدىرمايتىن, əلەۋمەتتىك ماسەلەلەردىڭ وزەكتىلىگىن جۇرەككە جەتكىزىپ, تولعاندىراتىن وتاندىق تۋىندىلار بەدەلدى حالىقارالىق فەستيۆالدەردە جۇلدەگە يە بولىپ, الەمدىك كينوگەرلەردىڭ جوعارى باعاسىن الىپ جاتىر. الدىڭعى اعا بۋىننىڭ ءىزىن باسىپ, وزىندىك ورنەگىن قالىپتاستىرىپ كەلە جاتقان جاس ماماندار شوعىرى قالىپتاستى», دەيدى ول.
ودان بولەك, مينيستر كينەماتوگرافيا سالاسىنا كورسەتىلەتىن مەملەكەت قولداۋدىڭ جالعاساتىنىن ايتتى.
«ەلىمىزدەگى كينو نارىقتا تاقىرىبى جاعىنان əر الۋان قازاقستاندىق فيلمدەرمەن قوسا الەمدىك تانىمال كينوستۋديالاردىڭ تاڭداۋلى ونىمدەرى كوپ. اتالعان كارتينالاردىڭ ءبارى ەندى انا تىلىمىزدە اۋدارمامەن كورسەتىلۋى مىندەتتى ەكەنى ارنايى زاڭدا كورسەتىلگەن. وسى رەتتە بىرقاتار انيماتسيالىق تۋىندىنىڭ قازاق تىلىندەگى دۋبلياجىن تۇسىرگەن كومپانيانىڭ ءوزى الەمدىك نارىقتا جوعارى باعالاعانىن ايتپاي كەتۋگە بولماس. بۇدان بولەك, قازىر مينيسترلىك كەڭەس ۇكىمەتى كەزىندە كورەرمەنگە جول تارتقان وتاندىق كينولاردى رەسەيدىڭ مەملەكەتتىك كينو قورىنىڭ ارحيۆىنەن ساندىق فورماتتا وڭدەپ الۋ بويىنشا جۇمىس جۇرگىزىپ جاتىر», دەدى ا. رايىمقۇلوۆا.
