11-13 قىركۇيەك كۇندەرى جامبىل وبلىسىنىڭ تاۋلى اۋداندارىندا نايزاعاي جانە بۇرشاق كۇتىلەدى. باتىستان, سولتۇستىك-باتىستان جەل سوعادى. وبلىستىڭ وڭتۇستىك-باتىسىندا, باتىسىندا 15-20 م/س كۇتىلەدى. توتەنشە ءورت قاۋپى ساقتالادى.
11 قىركۇيەكتە قاراعاندى وبلىسىنىڭ باتىسىندا, سولتۇستىگىندە, سولتۇستىك-شىعىسىندا نايزاعاي كۇتىلەدى. وڭتۇستىك-باتىستان جەل سوعادى, تۇندە وبلىستىڭ سولتۇستىگىندە, كۇندىز وبلىستىڭ باسىم بولىگىندە 15-20 م/س دەيىن كۇشەيەدى.
قاراعاندى قالاسىندا دا ەرتەڭ نايزاعاي ءتۇسۋ ىقتيمالدىعى جوعارى. وڭتۇستىك-باتىستان ەكپىنى 15-20 م/س جەتەتىن كۇشتى جەل سوعادى.
سونداي-اق ەرتەڭ سولتۇستىك قازاقستان وبلىسىنىڭ شىعىسىندا نايزاعاي وينايدى.
پەتروپاۆل, ورال قالاسى مەن باتىس قازاقستاندا ەكپىندى جەل سوعادى.
