جولداۋداعى اۋىل شارۋاشىلىعىنىڭ ۇلتتىق ەكونوميكانىڭ نەگىزگى قوزعاۋشى كۇشىنە اينالاتىنى تۋرالى قاعيدا اۋىل شارۋاشىلىعى ماماندارىنىڭ عانا ەمەس, ەل جاعدايىن ويلايتىن بۇكىل قاۋىمنىڭ ويىن تولقىتىپ, تەرەڭدە جاتقان ارمانى مەن ءۇمىتىن, سىرى مەن شىنىن شايقادى. «اۋىل شارۋاشىلىعى جەرلەرىن تولىق ەكونوميكالىق اينالىمعا ءتۇسىرۋ مۇمكىندىگى» تۋرالى ءسوز – شىندىقتىڭ جۇزىنە تۋرا قاراپ ايتىلعان, اۋىل ەڭبەككەرلەرىنىڭ جارقىن بولاشاققا دەگەن ءۇمىتى مەن تالپىنىسىن كۇشەيتەتىن تۇرلاۋلى تۇجىرىم.
جولداۋداعى الەۋمەتتىك ماڭىزى زور, ومىرلىك ءمانى ۇلكەن ويلاردىڭ تۇتاسقان ءبىر جەلىسى قولجەتىمدى ءارى ساپالى ءبىلىم تۋرالى. ء«بىزدىڭ ءبىلىم بەرۋ جۇيەمىزدىڭ قولجەتىمدى ءارى ينكليۋزيۆتى بولۋى» جايىنداعى قاعيدا – پرەزيدەنت جولداۋىنداعى ءاربىر وتباسىنىڭ, ۇلكەننىڭ دە, كىشىنىڭ دە كوكەيىن تەسكەن وزەكتى ماسەلە. بۇل ماسەلەنىڭ شەشىلىپ, ءىس جۇزىنە اسۋىنا قابىلەتى مەن بىلىكتىلىگى بار ءاربىر مامان ءوز تاراپىنان لايىقتى ۇلەسىن قوسۋى ابزال.
مەملەكەت باسشىسىنىڭ جولداۋىندا الەۋمەتتىك ماڭىزى جوعارى, ءاربىر اتا-انانىڭ, ءاربىر قوعام مۇشەسىنىڭ كوڭىلىندە تۇنىپ تۇرعان ىرگەلى ويلارمەن ساباقتاس ومىرلىك ءمانى تەرەڭ ءىرى مىندەتتەر تياناقتالعان, جالپىحالىقتىق, ۇلتتىق, مەملەكەتتىك ماڭىزى زور قاعيدالار جۇيەسى نەگىزدەلگەن. ولاردى ناقتى ءىس-قيمىل ارقىلى جۇزەگە اسىرۋ مەملەكەتتىك اتقارۋ ينستيتۋتتارىنان ۇلكەن جاۋاپكەرشىلىكتى, كاسىبي بىلىكتىلىك پەن ىسكەرلىكتى تالاپ ەتەدى. ءبىلىم, عىلىم سالاسىنداعى وقۋ ورىندارى مەن زەرتتەۋ ينستيتۋتتارى پرەزيدەنت جولداۋىنان تۋىندايتىن مىندەتتەرىن تالداپ, تالقىلاپ, ونى جۇزەگە اسىرۋ ماقساتىندا بەلسەندى ىزدەنىس جۇمىستارىن باستاپ كەتتى.
جانعارا دادەباەۆ,
ءال-فارابي اتىنداعى قازاق ۇلتتىق ۋنيۆەرسيتەتى جانىنداعى اباي عىلىمي-زەرتتەۋ ينستيتۋتىنىڭ ديرەكتورى, فيلولوگيا عىلىمدارىنىڭ دوكتورى, پروفەسسور
