«استىق-STEM» جشس كومپانيالار توبى «قازاگروقارجىمەن» سولتۇستىك قازاقستاندا 2008 جىلدان بەرى جۇمىس ىستەيدى. سوڭعى بىرنەشە جىلدا كومپانيانىڭ ماشينا-تراكتور پاركىن جاڭارتۋ ماقساتىندا 1 ملرد 776 ملن تەڭگە سوماسىنا تەحنيكا ساتىپ الىندى. سونىڭ ىشىندە, 2021 جىلى «قازاگروقارجى» ۇيىمىمەن 640 ملن تەڭگە سوماسىنا, ونىڭ ىشىندە سۋارۋعا ارنالعان جابدىق – «تامشىلاتقىش جۇيەلەر» تۋرالى ليزينگ شارتتارى جاسالعان ەكەن. بۇل بيىلعى رەسپۋبليكانىڭ كوپتەگەن وڭىرىندە بولعان ەكسترەمالدى قۋاڭشىلىق جاعدايىندا وتە پايدالى بولدى.
«استىق-STEM» جاۋاپكەرشىلىگى شەكتەۋلى سەرىكتەستىگىنىڭ ءوزى 2002 جىلى قۇرىلعان, ونىڭ ەگىستىگىنىڭ جالپى اۋدانى 9 829 گا قۇرايدى, نەگىزىنەن ءداندى داقىلدار, سونىمەن قاتار مايلى, جەمشوپتىك داقىلدار وسىرەدى. مال باسى 500 تۇياق ءسۇتتى قارا مالدان تۇرادى.
ءباسپاسوز تۋرىندا سويلەگەن سوزىندە «استىق-STEM» جشس باسشىسى سەرگەي زۆولسكي ءوزىنىڭ «قازاگروقارجى» ينستيتۋتىنىڭ جۇمىسىنا ريزاشىلىعىن ءبىلدىردى.
ء«بىز وسى قارجى كومپانياسى ارقىلى ساپالى تەحنيكالار الۋعا قول جەتكىزىپ وتىرمىز. سونىڭ ىشىندە بيىل تامشىلاتىپ سۋاراتىن تەحنيكالار الدىق. سونىڭ ناتيجەسىندە قۋاڭشىلىق بولعان جىلدىڭ وزىندە كارتوپ پەن سابىزدەن جوعارى ءونىم الدىق. ءسابىزدىڭ گەكتار بەرەكەلىگى ءتىپتى 100 تونناعا جەتتى, كارتوپتان دا سونداي ءونىم الۋدى بولجاپ وتىرمىز», دەدى ول.
«قازاگروقارجى» – اۋىل شارۋاشىلىعى تاۋارلارىن وندىرۋشىلەرگە تەحنيكا مەن جابدىقتار ساتىپ الۋدا ليزينگتىك قىزمەت كورسەتەتىن قارجى ينستيتۋتى رەتىندە 2000 جىلى قۇرىلعانى بەلگىلى. كومپانيا ەلىمىزدىڭ اگرارلىق سەكتورىنداعى تەحنيكالىق جاراقتاندىرۋدى دامىتۋعا ىقپال ەتە وتىرىپ, ءوز قىزمەتىن 20 جىلدان استام ۋاقىت بويى ويداعىداي جۇزەگە اسىرىپ كەلەدى. وسى جىلدار ىشىندە ول شارۋالاردىڭ اراسىندا تانىمال كومپانياعا اينالدى. 2021 جىلدىڭ ناۋرىزىنان باستاپ «بايتەرەك» ۇلتتىق باسقارۋشى حولدينگى» اق قۇرامىنا ەندى.
قازىر «بايتەرەك» حولدينگى مەملەكەت باسشىسىنىڭ تاپسىرماسىمەن اگروونەركاسىپتىك بلوكتىڭ ەنشىلەس كومپانيالارىن قايتا ۇيىمداستىرۋ بويىنشا جۇمىستارىن جالعاستىرۋدا. فەرمەرلەر ءۇشىن ءتيىمدى بولعان قارجىلاندىرۋ ينستيتۋتىندا دا وزگەرىستەر بولۋى مۇمكىن. سوندىقتان دا «قازاگروقارجى» كومپانياسى مەن ونىڭ فيليالدارى ءوز جۇمىستارىن اشىق, ءتيىمدى جۇرگىزىپ, پاندەمياعا قاراماستان شارۋالارعا تەحنيكانى ليزينگكە اپەرۋدى بەلسەندى جۇرگىزىپ جاتىر. بيىل عانا كومپانيا 6 مىڭ بىرلىكتەن اسا تەحنيكا ساتىپ الۋدى قارجىلاندىردى. بۇل – تراكتور, كومباين, ەگىس كەشەندەرى جانە ت.ب. سياقتى شارۋاعا اسا قاجەت تەحنيكالار. كومپانيانىڭ بارلىق وڭىردە 14 فيليالى بار.
بارلىق قىزمەت ەتۋ كەزەڭىندە كومپانيانىڭ اۋىل شارۋاشىلىعىنا سالعان ينۆەستيتسيالارىنىڭ كولەمى – 1 031,6 ملرد تەڭگەنى قۇرادى, بۇل بيۋدجەتتەن تىس جاسالعان ينۆەستيتسيالار كولەمىنىڭ – 77%-ى.
ايتا كەتەتىن بولساق, بۇگىنگى تاڭعا دەيىن سولتۇستىك قازاقستان وبلىسىنىڭ ديقاندارى بارلىق 3 ملن گەكتارعا جۋىق ەگىس القابىنىڭ 60 پايىزدان ارتىعىن جيناپ الدى. تايىنشا اۋدانىندا بولعان ءباسپاسوز تۋرىندا جۋرناليستەردى استىق القاپتارىنا دا اپارىپ, قايناعان تىرلىكتى كورسەتتى. مۇندا بارلىق استىقتىڭ جارتىسى جينالىپ الىنعان.
سولتۇستىك قازاقستان وبلىسى
