قازاقستاندا شىلىم شەگەتىن ەر ادامداردىڭ قاتارى كوپ ەكەن. بۇل كورسەتكىش بويىنشا قازاقستان 31-ورىندا تۇر. ال, شىلىمقور ايەلدەردىڭ كورسەتكىشى بويىنشا 61-ورىندا. بۇل دەگەنىمىز قازاقستانداعى ايەلدەردىڭ 9,3%-ى شىلىم شەگەدى دەگەندى بىلدىرەدى.
2021 جىلى قاڭتار-شىلدە ارالىعىندا قازاقستاندا 8,7 ملرد سيگار, سيگارەت, پاپيروس جانە تەمەكى الماستىرعىش وزگە دە بۇيىمدار شىعارىلعان. بۇل كورسەتكىش وتكەن جىلمەن سالىستىرعاندا 3,3% از. اقشالاي ماندە ەلىمىزدە تەمەكى ونىمدەرىنىڭ ءوندىرىسى 125,3 ملرد تەڭگەنى قۇرادى.
سونداي-اق 2021 جىلدىڭ تامىزىندا ەلدەگى تەمەكى باعاسىنىڭ جىلدىق ديناميكاسى 15,9%-عا ءوستى.
ايتا كەتەيىك, ددسۇ مالىمەتى بويىنشا, جىلىنا شىلىم شەگۋ سالدارىنان الەمدە 8 ميلليوننان استام ادام كوز جۇمادى ەكەن. بۇل تىزىمدە ءوزى شىلىم شەكپەسە دە, جانىنداعى ادامنىڭ تەمەكىسى تۇتىنەنەن ۋلانعاندار دا بار.
