پرەزيدەنت • 09 قىركۇيەك، 2021

باستى كۇش – بىرلىكتە!

17 رەت كورسەتىلدى

ءبىز، اباي مۋزەيىنىڭ قىزمەتكەرلەرى ءماجىلىس زالىنا جينالىپ، جولداۋدى تىڭداپ، ءوز ويىمىزدى ورتاعا سالدىق. جەتى باعىت بويىنشا جوسپارلانعان ىستەردى تىڭداپ، ەڭسەمىز كوتەرىلىپ، مارقايىپ قالدىق.

مەملەكەت باسشىسى وسى جولداۋىن تاۋەلسىزدىكتىڭ بارىنەن قىمبات ەكەنىنەن باستادى: «بيىل ەگەمەن ەل بولعانىمىزعا 30 جىل تولىپ وتىر. تاۋەلسىزدىك – ءبىزدىڭ ەڭ قاستەرلى قۇندىلىعىمىز. قازاقستان تۇڭعىش پرەزيدەنتىمىز – ەلباسىنىڭ دارا ساياساتىنىڭ ارقاسىندا تابىستى ەل رەتىندە بۇكىل الەمگە تانىمال بولدى. ەڭ باستى جەتىستىگىمىز – ءبىرتۇتاس ەل بولىپ، جاڭا مەملەكەت قۇردىق. ىرگەمىزدى بەكىتىپ، ەڭسەمىزدى تىكتەدىك. حالىقارالىق قاۋىمداستىقتىڭ بەلدى مۇشەسىنە اينالدىق. تۇراقتى قوعام قالىپتاستىرىپ، ورنىقتى دامۋ جولىنا تۇستىك. مەملەكەتتىلىگىمىزدى نىعايتۋ ءۇشىن ءبىر ەل بولىپ ەڭبەك ەتىپ جاتىرمىز. ەگەمەندىك دەگەنىمىز – جالاڭ ۇران مەن جالىندى ءسوز ەمەس. ءبىز ءۇشىن ەڭ ماڭىزدىسى – ءار ازاماتتىڭ تاۋەلسىزدىك يگىلىگىن سەزىنە الۋى». تاۋەلسىزدىكتىڭ يگىلىگى – بۇل اسا قۇدىرەتتى ءسوز.

جاسىراتىنى جوق، بىلتىر عانا، پرەزيدەنتىمىزدىڭ تىكەلەي قولداۋىمەن ءبىزدىڭ مۋزەي «قايتا تۇلەپ ۇشقان قىرانداي» بولدى.

حاكىم ابايدىڭ 175 جىلدىق مەرەيتويىنا قاسىم-جومارت كەمەل ۇلى ءوزى كەلىپ، جاڭارعان مۋزەيدى اشىپ بەر­دى. حالىق اراسىندا بۇگىندە اباي مۋ­زەيى تۋرالى «دانالىق پەن جاڭا­لىق­­تىڭ ۇندەسكەن مۋزەيى» دەگەن تىركەس تە قا­لىپتاستى. پاندەميانىڭ اسقى­نىپ تۇر­ع­ان كەزىندە، اباي مۋزەيىن­دە قۇ­رى­لىس، قايتا جاڭعىرتۋ، مۋزەيلەن­دىرۋ جانە عىلىمي-تانىمدىق جۇمىس­تارى وتە قار­قىندى ءجۇردى. ءبىز بىرلىكتىڭ ارقا­­سىندا، تالاپقا ساي ءتارتىپتىڭ ارقا­سىندا ءبارىن ابىرويمەن اتقارىپ شىقتىق.

«حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى مەملەكەت باسشىسىنىڭ قازاقستان حالقىنا جولداۋىن تولىق قولدايمىز. باستى كۇش – بىرلىكتە.

 

تۇردىقۇل شاڭباي،

ابايدىڭ «جيدەباي-ءبورىلى» مەملەكەتتىك قورىق-مۋزەيىنىڭ ديرەكتورى

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

ۇقساس جاڭالىقتار