قالاداعى دوستىق ۇيىندەگى شاراعا قازاقستان جازۋشىلار وداعىنىڭ توراعاسىنىڭ ورىنباسارى, اقىن اقبەرەن ەلگەزەك, حالىقارالىق الاش ادەبي سىيلىعىنىڭ يەگەرى, اقىن سەرىك اقسۇڭقار ۇلى, قاراعاندى وبلىسى اكىمىنىڭ ورىنباسارى ابزال نۇكەن ۇلى, وبلىستىق ىشكى ساياسات باسقارماسىنىڭ باسشىسى ەرلان قۇسايىن جانە فيليالدىڭ جاڭا باسشىسى, اقىن جانات جاڭقاش ۇلى قاتىسىپ, قاراعاندىلىق ءبىر توپ اقىندى وداقتىڭ مۇشەلىگىنە قابىلدادى.
ولاردىڭ اراسىندا ەگەمەن قازاقستان گازەتىنىڭ ەكى ءتىلشىسى, اقىن راۋان قابيدولدين مەن جانىبەك ءاليمان بار. سونداي-اق, مۇسىركەپ سەيداحمەت, سالتانات سماعۇلوۆا, جادىرا بايبۇلانوۆا, ايزادا راحىمجانوۆا, ايان مەيراش جازۋشىلار وداعىنىڭ مۇشەسى اتاندى.
وداققا قابىلدانعان جاس اقىنداردىڭ جىر جيناقتارى شىققان, رەسپۋبليكالىق جىر ءمۇشايرالاردىڭ جۇلدەگەرلەرى.
