27 قىركۇيەك كۇنى كەمبريدج مۋزەيىندە « ۇلى دالا التىنى» كورمەسى اشىلادى. بۇگىندە ەكسپوناتتاردىڭ باسىم بولىگى ۇلىبريتانياعا جونەلتىلدى. ماماندار قازاقستاننىڭ شىعىسىنداعى قورعانداردان تابىلعان ارتەفاكتىلەردى جايعاستىرۋمەن اينالىسىپ جاتىر.⠀
«كورمەنىڭ اشىلاتىنى تۋرالى اقپارات ۇلىبريتانيانىڭ بارلىق اتاقتى باسىلىمدارىنا جاريالانعان. ەكسپوزيتسيا اعىلشىن جۇرتشىلىعىن قاتتى قىزىقتىراتىنىنا جانە ولاردى تاڭ قالدىراتىنىمىزعا سەنىمدىمىن. التىن ارتەفاكتىلەردەن بولەك, كورمە قوناقتارىنا كادەسىيلار دايىندادىق. تاريحىمىزدى جاقىنىراق تانۋلارى ءۇشىن ءبىزدىڭ ارتىستەر كورمەدە قازاق دالاسىنىڭ, بابا ءداستۇرىمىزدىڭ ەرەكشەلىگىن كورسەتەتىن ءستيلدى فولكلورلىق مۋزىكا ورىندايدى», دەدى شقو اكىمى دانيال احمەتوۆ.⠀
ونىڭ ايتۋىنشا, بۇل ەكسپوزيتسيا ەجەلگى قازاقستان تاريحىنىڭ جاڭا بەتتەرىن اشادى. اسقان شەبەرلىكپەن جاسالعان زەرگەرلىك بۇيىمدار مەن ەكسپوناتتاردىڭ وسى كۇنگە دەيىن ب ۇلىنبەي ساقتالۋى تالعامپاز كورەرمەندەردى تاڭ قالدىرارى انىق.
