قارجى پوليتسياسىنىڭ قىزمەتكەرلەرى كاسىپكەرلەردەن پارا العان ەڭبەك ينسپەكتسياسى باسشىلارىن قولعا ءتۇسىردى. بۇل تۋرالى Gazeta.kz حابارلادى.
بيىلعى 22 قاڭتاردا قارجى پوليتسياسى اگەنتتىگىنىڭ قىزمەتكەرلەرى قۇرىلىس مونتاجدىق جۇمىستاردى جۇزەگە اسىرۋ بارىسىندا «حايۆيلل» كومپانياسىنىڭ نىسانىندا بولعان جازاتايىم وقيعاعا بايلانىستى تەكسەرۋدىڭ قورىتىندىسى بويىنشا دۇرىس شەشىم قابىلداۋ ءۇشىن كاسىپورىنداردىڭ ءبىرىنىڭ وكىلىنەن پارا العان استانا قالاسى بويىنشا ەڭبەك ينسپەكتسياسى باسقارماسى باسشىسىنىڭ ورىنباسارى - استانا قالاسى بويىنشا باس ەڭبەك مەملەكەتتىك ينسپەكتورى مەدەتبەكوۆتى ۇستادى. قازىرگى ۋاقىتتا وعان قىلمىستىق ءىسى قوزعالىپ, قاماۋعا الىندى.
قارجى پوليتسياسى دەپارتامەنتىنىڭ قىزمەتكەرلەرى قاراعاندى وبلىسى ەڭبەك ينسپەكتسياسىنىڭ باسشىسى م. قاراكەكىلەۆتى, ونىڭ ورىنباسارى ا. ماقاتوۆتى جانە ەڭبەك ينسپەكتسياسى جەزقازعان ءبولىمىنىڭ باسشىسى س.اۋەزوۆتى دە قولعا ءتۇسىردى. ولار سەرىكتەستەگى وقيعاعا قاتىستى قورىتىندى شىعارۋ ءۇشىن جاۋاپتى تۇلعادان 2 مىڭ دوللار الدى دەپ ايىپتالۋدا.
ءامىرحان الماعانبەتوۆ.
دەرەككوز: Gazeta.kz.
فوتو: Otyrar.kz.
