ءماجىلىس توراعاسى نۇرلان نىعماتۋلين باستاعان پارلامەنتتىك دەلەگاتسيا اۆستريا استاناسى ۆەنادا ءوتىپ جاتقان پارلامەنت سپيكەرلەرىنىڭ بەسىنشى دۇنيەجۇزىلىك كونفەرەنتسياسىنا قاتىسۋدا.
ءماجىلىس سپيكەرى كوپجاقتى ىنتىماقتاستىقتى نىعايتۋ, بەيبىتشىلىك پەن تۇراقتى دامۋدى قامتاماسىز ەتۋ ءۇشىن پارلامەنتتىك قىزمەت تاقىرىبىنا ارنالعان ينتەراكتيۆتى جالپى پىكىرتالاستاردا ءسوز سويلەدى.
سونىمەن قاتار نۇرلان نىعماتۋلين بۇگىنگى تاڭدا قازاقستاندا بولىپ جاتقان جانە ەلىمىزدىڭ تۇراقتى دامۋدىڭ حالىقارالىق قاعيداتتارىنا سايكەس دامۋىنا مۇمكىندىك بەرەتىن پروتسەستەر تۋرالى ايتىپ بەردى.
ء«تيىمدى مەملەكەت پەن ءادىل قوعام قۇرۋدىڭ تۇجىرىمدامالىق نەگىزدەرىن قازاقستاننىڭ تۇڭعىش پرەزيدەنتى نۇرسۇلتان نازارباەۆ قالاعان بولاتىن. بۇگىن پرەزيدەنت قاسىم-جومارت توقاەۆ ساياسي باعىتتىڭ ساباقتاستىعىن قامتاماسىز ەتەدى», دەدى ءماجىلىس توراعاسى.
نۇرلان نىعماتۋلين قازاقستاندىق قوعام ءومىرىنىڭ بارلىق سالالارىنا قاتىستى اۋقىمدى جۇيەلى رەفورمالار تۋرالى ايتا كەتىپ, ازاماتتىق قاتىسۋدى كەڭەيتۋگە جانە قوعامدىق باقىلاۋدى كۇشەيتۋگە, سونداي-اق مەملەكەت باسشىسىنىڭ باستامالارىن زاڭنامالىق قولداۋعا نازار اۋداردى.
«پارلامەنت رەفورمالاردى دەر كەزىندە زاڭنامالىق سۇيەمەلدەۋدى قامتاماسىز ەتە وتىرىپ, بۇل ۇدەرىسكە بەلسەندى قاتىسۋدا. سايلاۋ زاڭناماسى مەن سوت جۇيەسىن جەتىلدىرەتىن ماڭىزدى زاڭداردىڭ تۇتاس پاكەتى قابىلداندى. وزگەرىستەر ساياسي پارتيالار, بەيبىت جينالىستار, جەرگىلىكتى ءوزىن-ءوزى باسقارۋ تۋرالى زاڭنامالىق اكتىلەرگە دە قاتىستى بولدى», دەدى ءماجىلىس سپيكەرى.
ءوز سوزىندە نۇرلان نىعماتۋلين قازاقستاننىڭ جاھاندىق جانە وڭىرلىك دەڭگەيلەردە بەيبىتشىلىك پەن قاۋىپسىزدىكتى قامتاماسىز ەتۋگە قوسقان ۇلەسىنە ەرەكشە نازار اۋداردى.
«جاڭا قاۋىپ-قاتەرلەر اياسىندا قازاقستان پرەزيدەنتى قاسىم-جومارت توقاەۆ بۇۇ قاۋىپسىزدىك كەڭەسىنە ەسەپ بەرەتىن بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋدى ۇسىندى. بۇل جاڭا مامانداندىرىلعان قۇرىلىم بيولوگيالىق قاۋىپتەردىڭ الدىن الۋعا تىكەلەي قاتىستى بولۋى مۇمكىن. ءبىز ارىپتەستەرىمىزدىڭ وسى ماڭىزدى باستامانى بەلسەندى قولدايتىنىنا سەنەمىز», دەپ اتاپ ءوتتى نۇرلان نىعماتۋللين.
حالىقارالىق كۇن تارتىبىندەگى اۋعانستانداعى بەيبىتشىلىك پەن قاۋىپسىزدىكتى قالپىنا كەلتىرۋ سياقتى وزەكتى ماسەلە تۋرالى ايتا كەلىپ, نۇرلان نىعماتۋلين بۇگىنگى تاڭدا ەڭ ماڭىزدىسى – اۋعانستانداعى گۋمانيتارلىق جانە ازىق-ت ۇلىك داعدارىسىنا جول بەرمەۋ ەكەنىن اتاپ ءوتتى. ول, سونداي-اق قازىرگى ۋاقىتتا قازاقستان پرەزيدەنتىنىڭ شەشىمى بويىنشا اۋعانستانعا جاردەمدەسۋ جونىندەگى بۇۇ ميسسياسى ءبىزدىڭ ەلىمىزدە ۋاقىتشا ورنالاستىرىلعانىن ەسكە سالدى.
بەسىنشى دۇنيەجۇزىلىك پارلامەنت سپيكەرلەرىنىڭ كونفەرەنتسياسى كوروناۆيرۋستىق پاندەميا باستالعاننان بەرى تىكەلەي ەفيردە وتكىزىلىپ كەلە جاتقان العاشقى اۋقىمدى پارلامەنتشىلەر فورۋمى بولدى. ۆەناداعى كونفەرەنتسيانى پارلامەنتارالىق وداق, بۇۇ-مەن ءوزارا ءىس-قيمىل كەزىندە اۆستريا پارلامەنتى ۇيىمداستىردى. الەمنىڭ 90-نان استام ەلىنىڭ پارلامەنت سپيكەرلەرىنىڭ نازارىندا - پاندەميامەن كۇرەسۋ جانە سovid-19-دان كەيىن قالپىنا كەلتىرۋ جونىندەگى جاھاندىق شارالاردى قوسا العاندا, شۇعىل حالىقارالىق پارلامەنتتىك ءىس-قيمىلدى تالاپ ەتەتىن باسىمدىقتار, كليماتتىڭ وزگەرۋى جانە ەكولوگيالىق تۇراقتىلىقتى قامتاماسىز ەتۋ ماسەلەلەرىن شەشۋ, دەزينفورماتسياعا قارسى ءىس-قيمىل, جاستاردىڭ ساياساتقا قاتىسۋى, گەندەرلىك تەڭدىك بار. قازاقستاندىق پارلامەنتشىلەر دەلەگاتسياسىنىڭ قۇرامىندا سەنات پەن ءماجىلىس دەپۋتاتتارى بار.
