بۇل تۋرالى ريا نوۆوستي مالىمدەدى.
قازىرگى ۋاقىتتا كوجيكودە مەديتسينالىق كوللەدجى مەن اۋرۋحاناسىندا 38 ادام وقشاۋلانعان, ولاردىڭ 11-دە اۋرۋ بەلگىلەرى بار.
«سەگىز ادامنىڭ سىنامالارى ۇلتتىق ۆيرۋسولوگيا ينستيتۋتىنا تەستىلەۋ ءۇشىن جىبەرىلدى», دەدى دجوردج NDTV-گە بەرگەن سۇحباتىندا. ول اۋرۋحاناعا جاتقىزىلعان بارلىق ادامنىڭ دەنساۋلىعى تۇراقتى ەكەنىن ايتتى.
جاقىندا كەرالا بيلىگى نيپاح ۆيرۋسىنان 12 جاستاعى بالا قايتىس بولعانىن حابارلاعان ەدى, شتات دارىگەرلەرى ونىمەن بايلانىسقان 251 ادامدى تەكسەرۋدى باستادى.
اۋرۋدىڭ تارالۋىن بولدىرماۋ ءۇشىن ءۇندىستان دەنساۋلىق ساقتاۋ مينيسترلىگى ەپيدەميولوگيالىق باقىلاۋدى كۇشەيتۋ جانە پاتسيەنتتەر بايلانىستا بولعان ادامداردى قارقىندى باقىلاۋ كەرەگىن ايتتى. كوجيكودە ايماعىندا جانە كورشى ءۇش اۋداندا دا قاۋىپسىزدىك شارالارى كۇشەيتىلدى.
نيپاح ۆيرۋسى تۇلكىلەر مەن جارقاناتتاردان تارالادى. ادەتتە ۆيرۋس جانۋاردىڭ سىلەكەيى بولعان جەمىستەردى جەگەن ادامدارعا جۇعادى. ددسۇ مۇنى الەمدەگى ەڭ قاۋىپتى ۆيرۋستاردىڭ ءبىرى رەتىندە سانايدى, سەبەبى وعان قارسى ءدارى-دارمەك پەن ۆاكتسينا جوق, ال ءولىم دەڭگەيى 40-تان 75 پايىزعا دەيىن.
ءۇندىستاندا نيپاح ۆيرۋسى العاش رەت ءورشىپ تۇرعان جوق. ۆيرۋس 2001 جانە 2007 جىلدارى باتىس بەنگاليادا, 2018 جانە 2019 جىلدارى كەرالا شتاتىندا انىقتالعان.
