ءبىلىم بەرۋ جۇيەسىن جاھاندىق ۇردىستەرگە بەيىمدەۋ وزەكتى

مەملەكەت باسشىسى قاسىم-جومارت توقاەۆ «حالىق بىرلىگى جانە جۇيەلى رەفورمالار – ەلدىڭ وركەندەۋىنىڭ بەرىك نەگىزى» اتتى قازاقستان حالقىنا جولداۋىندا وتاندىق ءبىلىم مەن عىلىمنىڭ الدىندا اۋقىمدى مىندەتتەر تۇر­عانىن اتاپ ءوتتى. «جاڭا بەلەستەردى باعىندىرىپ قانا قويماي، ار­قا­شان ءبىر قادام الدا بولۋ، جاڭا ترەندتەردى قالىپتاستىرۋ» جو­نىن­دە ايتا وتىرىپ، قۇزىرلى مەم­لەكەتتىك ورگاندارعا ساپالى ءبىلىم بەرۋدى قامتاماسىز ەتۋ بو­­يىنشا بىرقاتار جۇيەلى ءىس-شارانى بەلگىلەپ بەردى.

«ازاماتتىق الاڭ» وتىرىسى بارىسىندا جيىنعا توراعالىق ەتكەن «رۋحاني جاڭعىرۋ» قازاق­ستان­­دىق قوعامدىق دامۋ ينستي­تۋ­تى­نىڭ باسقارما توراعاسى اسىل­بەك ەسەنباەۆ قارقىندى دامىپ كەلە جاتقان الەمدە ءبىلىم مەن داع­دىعا دەگەن سۇرانىس تەز وزگە­رەتىنىن، سوندىقتان دا ءبىلىم بەرۋ جۇيەسى جاڭا ۇردىستەرگە يكەمدى بەيىمدەلۋى ءتيىس ەكەنىن ايتتى.

ء«بىر قادام الدا بولۋ – جاس­تارى­مىزدىڭ ساناسىندا قانداي دا ءبىر كاسىپتىڭ نەمەسە ديپلومنىڭ بەدەلىنە ەمەس، وسى كاسىپتىڭ قوعام ءۇشىن پايدالىلىعىنا قاراي ءتيىمدى وزگەرۋى. سونىمەن قاتار ءبىز ءبىلىم بەرۋ – تەك قانا ءبىلىم جانە عىلىم مينيسترلىگى مەن اكىم­­دىك­تەر­­دىڭ عانا ۇلەسى، تەك مەكتەپ، جوو-دارى عانا ءبىلىم بەرەدى دە­گەن تۇسى­­نىك­تەن الشاقتاۋعا ءتيىس­پىز. بۇ­­گىن­دە يكەمدى داعدىلار (soft skills) قازىرگى زامانعى ادام دامۋى­نىڭ اجى­راماس بولىگىنە اينالدى»، دەدى ول.

ءوز كەزەگىندە، ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم كوميتەتىنىڭ ءتورايى­مى مايرا مەلدەبەكوۆا قا­شىق­تان وقىتۋ فورماتتارى ءۇشىن تەلەكوممۋنيكاتسيالىق جۇيەلەردىڭ ساپاسىن جاقسارتۋدىڭ ماڭىزدىلىعىن اتاپ ءوتتى.

– مەملەكەت باسشىسى قاسىم-جومارت توقاەۆ قازاقستان حال­قىنا جولداۋىندا ءبىلىم سالاسىنا قاتىستى ناقتى تاپسىر­ما­لار بەردى. سونىڭ ءبىرى – قا­شىق­تان ءبىلىم بەرۋگە قاجەت­تى اقپاراتتىق جۇيەنىڭ ساپا­سىن جاقسارتۋ. پاندەميا ۋاقى­تى بار­لىعىمىزدى ءوز سىنىنا العان راس. قاشىقتان وقىتۋ بارىسىندا دا قيىندىقتار بولدى. وسىعان بايلانىستى مەملەكەت باسشىسى «تسيفرلى ۇستاز» ءبىلىم بەرۋ جوباسىن قولعا الىپ، ۇستازدارعا ماتەريالدىق جانە مورالدىق قولداۋ كورسەتۋ كەرەكتىگىن دە اتاپ ءوتتى. مەكتەپكە دەيىنگى ءبىلىم بەرۋ جۇيەسىندە تسيفرلى جۇيەلەردى ەنگىزۋ وتە ورىندى ۇسىنىس دەپ بىلەمىن، – دەدى م.مەلدەبەكوۆا.

م.س.نارىكباەۆ اتىنداعى كازگيۋ ۋنيۆەرسيتەتىنىڭ باس­قار­ما توراعاسى، نۇر-سۇلتان قالا­لىق ءماسليحاتىنىڭ دەپۋتاتى تالعات نارىكباەۆ ءوز سوزىندە پرە­زي­دەنتتىڭ قازاقستان حالقىنا جول­داۋىندا كوپتەگەن ماڭىز­دى ماسە­لەلەر كوتەرىلگەنىن اتاپ ءوتىپ، قا­شىق­تان وقىتۋدىڭ ءتيىمدى تۇستارىنا توقتالدى.

– ماسەلەن، «عىلىمدى دامىتۋ – ءبىزدىڭ اسا ماڭىزدى باسىمدى­عى­مىز» دەگەن مەملەكەت باسشىسى عىلىم تۋرالى زاڭ جوباسىنا وز­گە­رىستەر مەن تولىقتىرۋلار ەن­گىزۋ تۋرالى پارمەن بەردى. بۇل ەرتەڭگە سالىنىپ جاتقان ينۆەس­تي­تسيا دەپ ويلايمىن. كورو­نا­ۆيرۋس پاندەمياسى ءبىزدىڭ سالاعا دا بىرقاتار وزگەرىس الىپ كەلدى. الەمدەگى بارلىق جوعارى وقۋ ورىندارى قاشىقتان وقىتۋ جۇيەسىنە كوشتى. ءيا، قا­شىق­تان وقىتۋ جۇيەسى ءبىراز سىنال­عانى دا راس. الايدا قاشىق­تان وقىتۋ جۇيەسىنىڭ بىزگە بەرگەن ءتيىمدى تۇستارىن دا اي­تا كەتكەن ءجون. مىسالى، كەزىن­دە شەت ەلدەردەن الدىرتىپ قينالاتىن عالىمدارمەن، بۇگىن ءبىز قاشىق­تان وقىتۋ جۇيەسى ارقى­لى ۇتىمدى شارتتارمەن كەلىسىپ وتىرمىز، – دەدى ول.

«ازاماتتىق الاڭدا» نۇر-سۇلتان قالاسىنىڭ №90 گيمنا­زيا­­سىنىڭ ديرەكتورى ايات­جان احمەتجان ۇلى دا پىكىر­لەرىمەن ءبولىستى. ول حالىقارالىق وليمپيادالاردا جۇلدەلى ورىن­دارعا يە بولعان دارىندى بالالاردى قارجىلاي ىنتالاندىرۋ وتە ماڭىزدى قادام ەكەنىن اتاپ، سپورتتىق وليمپياداداعىداي، جۇلدەگەرلەردى ماراپاتتاۋ ءبىلىم جانە عىلىم سالاسىندا دا بولۋى كەرەك دەدى. سونىمەن قاتار 2025 جىلعا دەيىن 1 مىڭ مەكتەپ سالۋ باستاماسىن اتاپ ءوتىپ، بۇل ءىس-شارا ءىرى قالالاردا عانا ەمەس، شالعاي، شەكارالاس اۋدانداردا دا زاماناۋي ساپالى مەكتەپتەر سالىنۋى كەرەك ەكەنىن جەتكىزدى. «بۇل ىشكى كوشى-قون تۇرعىسىنان دا ماڭىزدى. ءبىز وڭىرلەردەگى جاستاردى ساپالى بىلىممەن قامتاماسىز ەتۋىمىز كەرەك»، دەدى ول.

«ازاماتتىق الاڭ» وتىرى­سىن­دا بعم عىلىم كومي­تەتى­نىڭ توراعاسى جاننا قۇرمان­عاليەۆا، ل.ن.گۋميلەۆ اتىنداعى ەۇۋ قارجى كافەدراسىنىڭ مەڭ­گەرۋ­شىسى كۇلاش سادۋاقاسوۆا جانە دە تاعى دا باسقا سالا ماماندارى ءوز تاجىربيەلەرى مەن پىكىرلەرىن ورتاعا سالدى. بۇل پىكىر الماسۋ الاڭىنىڭ وتىرىستارىن اقدم قولداۋىمەن «رۋحاني جاڭعىرۋ» قازاقستاندىق قوعامدىق دامۋ ينستيتۋتى ۇيىمداستىرىپ كەلە­دى. سۇحبات الاڭىنىڭ باستى ماق­ساتى – «رۋحاني جاڭعىرۋ» باع­دار­لاماسىن جۇزەگە اسىرۋدىڭ تيىم­دىلىگىن ارتتىرۋ ءۇشىن ازا­ماتتىق قوعام وكىلدەرىن سىندارلى سۇحباتقا تارتۋ.