تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين قازاقستان پرەزيدەنتىنە تسيفرلىق ۇكىمەت ءوفيسىنىڭ نەگىزگى مىندەتتەرى مەن جوبالارى تۋرالى باياندادى.
ءمينيستردىڭ ايتۋىنشا, وفيس جۇمىسىنىڭ اياسىندا باستاپقى تالداۋدى اۆتوماتتاندىرۋ, بولجامدار مەن دامۋ ستسەناريلەرىن ازىرلەۋ, قول جەتكىزىلەتىن ماقساتتى كورسەتكىشتەرگە تونەتىن قاۋىپتەرگە مونيتورينگ جاساۋ جانە انىقتاۋ قىزمەتتەرى, سونداي-اق باسقا دا جۇمىستار جۇزەگە اسىرىلادى. تسيفرلىق ترانسفورماتسيا ورتالىعى مەملەكەتتىك ورگانداردىڭ جۇمىس ۇدەرىسىن وزگەرتىپ, ولاردى تسيفرلىق فورماتقا اۋىستىرۋمەن اينالىسادى. ساۋدا جانە ينتەگراتسيا مينيسترلىگى مەملەكەت باسشىسىنا ىشكى جانە سىرتقى ساۋدا جونىندەگى تالداۋ پلاتفورماسىن تانىستىردى. اتالعان پلاتفورما ازىق-ت ۇلىك باعاسىن ونلاين رەجيمدە باقىلاۋعا جانە بولجاۋعا مۇمكىندىك بەرەدى.
تسيفرلىق دامۋ, يننوۆاتسيالار جانە اەروعارىش مينيسترلىگى ەل حالقىنىڭ ەكپە الۋ قارقىنىن باقىلاۋعا ارنالعان جوبانى تانىستىردى.
جيىن بارىسىندا ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى, استانا حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ, قارجى ءمينيسترى ەرۇلان جاماۋباەۆ, دەنساۋلىق ساقتاۋ ءمينيسترى الەكسەي تسوي جانە باسقا دا جاۋاپتى تۇلعالار ءسوز سويلەدى.
