جەرگىلىكتى باق-تىڭ حابارلاۋىنشا, جاپونيانىڭ بيلەۋشى ليبەرالدى-دەموكراتيالىق پارتياسىنىڭ (لدپ) باسشىسى لاۋازىمىنا ساناە تاكايتيدىڭ كانديداتۋراسىنا ەلدىڭ بۇرىنعى پرەمەر-ءمينيسترى سيندزو ابە قولداۋ ءبىلدىردى.
ابە تاراپىنان قولداۋ تاكايتيدىڭ پارتيانىڭ كورنەكتى مۇشەلەرىنەن 20 ۇسىنىس الۋ مۇمكىندىگىن ارتتىردى, بۇل پارتيا باسشىسى لاۋازىمىنا كانديداتۋرانى ۇسىنۋدىڭ قاجەتتى شارتى بولىپ تابىلادى.
ۇكىمەت جارىسىنا قاتىسقىسى كەلەتىن تاعى ءبىر ايەل سەيكو نودا - بۇرىنعى ىشكى ىستەر ءمينيسترى, ول سونىمەن بىرگە ايەلدەردىڭ مۇمكىندىكتەرىن كەڭەيتۋ ءمينيسترى قىزمەتىن اتقاردى.
ول 2015 جىلى لدپ پرەزيدەنتتىگىنە ۇمىتكەر بولعىسى كەلگەنى تۋرالى حابارلانعان, بىراق وعان قاجەت 20 قولداۋشى جەتىسپەدى.
بۇعان قاراماستان. ولاردىڭ جەتىستىككە جەتۋ مۇمكىندىگى وتە تومەن دەپ باعالانادى. Reuters اگەنتتىگىنىڭ حابارلاۋىنشا, جاپوندىق سايلاۋشىلار كەلەسى پرەمەر-مينيستر لاۋازىمىنا Covid-19 ۆاكتسيناتسياسى ءمينيسترى تارو كونونىڭ كانديداتۋراسىن ەرەكشە قولدايدى. الايدا كونونىڭ ءوزى باسقارۋشى لدپ باسشىلىعىنا قول جەتكىزۋ نيەتىن راستاماي, شەشىم قابىلداماس بۇرىن پارتياداعى ارىپتەستەرىمەن كەڭەسكىسى كەلەتىنىن جۋرناليستەرگە ايتتى.
بۇرىنعى قورعانىس ءمينيسترى شيگەرۋ يسيبا جانە لدپ ساياساتىنىڭ جەتەكشىسى حاكۋبۋن سيمومۋرا دا ءوز كانديداتۋرالارىن ۇسىندى. بۇرىنعى سىرتقى ىستەر ءمينيسترى فۋميو كيسيدا دا سايلانۋدى جوسپارلاپ وتىر.
ەسكە سالا كەتسەك, 3 قىركۇيەكتە جاپونيانىڭ قازىرگى پرەمەر-ءمينيسترى ەسيحيدە سۋگا ەلدەگى ەپيداحۋالعا بايلانىستى وتستاۆكاعا كەتەتىنىن مالىمدەدى.
